Graues Kloster

Die bouval van die Grys Kloosterkerk in die aandskemer

Die Grys Klooster op 'n historiese poskaart van omstreeks 1910

Die bouval van die Fransiskane-kloosterkerk, soos gesien vanuit die Berlynse televisietoring

Graues Kloster (Duits, "Grys Klooster") is die naam waarmee na die Fransiskane-klooster in die Middeleeuse Alt-Berlin (die historiese middestad van Berlyn wat sy oorsprong in die dubbelstad Berlin en Cölln het) verwys is. Volgens die oorlewering van die Brandenburgse kronis Andreas Angelus is die naam afgelei van die Fransiskane-monnike se grys kleredrag.

Die Berlynse Fransiskane-klooster was in die huidige Klosterstraße in die stadsdistrik Mitte geleë. Voor sy vernietiging in die Tweede Wêreldoorlog is die klooster as die belangrikste Middeleeuse gebou van Berlyn beskou. Die bouval van die Fransiskane-kloosterkerk is na die oorlog beveilig om as oorlogsmonument te dien. Dit is tegelykertyd een van die laaste Gotiese besienswaardighede wat in die Duitse hoofstad bewaar gebly het.

Eksterne skakels

• Wikimedia Commons het meer media in die kategorie Graues Kloster.