Grumman C-2 Greyhound

in Wikipedia, die vrye ensiklopedie
Jump to navigation Jump to search
C-2 Greyhound
C-2A DN-SC-89-09037.JPEG
'n C-2A in Julie 1988, gebaseer by Vlootlugstasie Sigonella in Sisilië, Italië
Tipe Aanboordaflewering aan vliegdekskepe ter see
Vervaardiger Grumman
Northrop Grumman
Nooiensvlug 18 November 1964
Vrygestel 1966
Onttrek 1987, C-2A
Status In gebruik
Hoofgebruiker Amerikaanse Vloot
Vervaardig sedert 1995
Aantal gebou 58
Eenheidskoste VS$ 38.96 miljoen[1]
Ontwikkel van Northrop Grumman E-2 Hawkeye

Die Grumman C-2 Greyhound is 'n tweelingenjin, hoëvlerk vragvliegtuig, wat ontwerp is om voorraad, pos en passasiers van en na die vliegdekskepe van die Amerikaanse Vloot te vervoer. Sy primêre missie is draeraanboordaflewering. Die vliegtuig bied logistieke ondersteuning wat van kritieke belang is vir vliegdekgevegsgroepe. Die vliegtuig word hoofsaaklik gebruik om hoë prioriteitsvrag, pos en passasiers tussen vliegdekskepe en landbasisse te vervoer, en kan ook vrag soos stralerenjins en spesiale onderdele aflewer.

Prototipes van die C-2 het die eerste keer in 1964 gevlieg en volle produksie het die volgende jaar gevolg. Die aanvanklike Greyhound vliegtuie is opgeknap in 1973. In 1984 is meer C-2As bestel onder die naam "Reprocured C-2A" of C-2A(R). Die C-2As is toegerus met opgedateerde skroewe (vermeerder van 4 na 8 blaaie) en nuwer navigasie.

Ontwerp en nut[wysig | wysig bron]

Die C-2 het vier vertikale stabiliseerders, waarvan drie toegerus is met roere. 'n Enkele vertikale stertstabiliseerder, groot genoeg vir voldoende rigtingbeheer, sou die vliegtuig te hoog gemaak het om in 'n loods op 'n vliegdekskip te pas. Die vier-stabiliseerder opset het die voordeel dat die buiteboord-roeroppervlaktes direk in lyn met die skroefspoel geplaas kon word. Dit verskaf sodoende effektiewe rigtingbeheer tot en met 'n lae lugspoed, soos tydens opstyg en landing.

Die C-2A word aangedryf deur twee Allison T56 turboskroefenjins en kan 4 500 kg (10 000 pond) se vrag, passasiers of beide dra. Dit kan ook bedlêende pasiënte in mediese ontruimingsmissies vervoer. 'n Hokstelsel of vervoerstaander hou vrag in plek tydens lansering en landing op vliegdekskepe. Die groot agterste vragdeur en vragoprit met 'n aangedrewe katrol vergemaklik vraglaai en -aflaai vir 'n vinnige omkeertyd.

Die Greyhound se vermoë om voorraad en personeel per lug oor te dra, sy vlerke op te vou, en krag op te wek vir enjinaansitter- en ander gebruike bied 'n operasionele veelsydigheid wat in geen ander vragvliegtuig gevind word nie.

Tegniese gegewens C-2A (R)[wysig | wysig bron]

C-2A Greyhound 3-view.png
  • Lengte: 17,30 m
  • Vlerkspan: 24,6 m
  • Vlerkoppervlak: 65 m²
  • Hoogte: 4,85 m
  • Leë massa: 33 746 kg
  • Gelaaide massa: 22 405 kg
  • Vragmassa: 9 350 kg
  • Maksimum opstygmassa: 24 655 kg
  • Maksimum snelheid: 635 km/h (343 knope)
  • Kruissnelheid: 465 km/h (251 knope)
  • Reikafstand: 2 400 km
  • Plafonhoogte (leeg):10 210 m
  • Klimkoers: 13,3 m/s (by seevlak)
  • Enjins: 2 × Allison T56-A-425, 3 430 kW elk
  • Bemanning: 2 vlieëniers, 2 lugbemanning
  • Kapasiteit: 26 passasiers, 12 bedlêende pasiënte

Verwysings[wysig | wysig bron]

  1. "Navy Fact File". Navy.mil. 17 Februarie 2009. Besoek op 10 September 2011. 
Hierdie artikel is in sy geheel of gedeeltelik vanuit die Engelse Wikipedia vertaal.