Grumman F9F Panther

in Wikipedia, die vrye ensiklopedie
Grumman F9F Panther
'n F9F-2 van VF-21 eenheid aan boord van die USS Midway CV-41 in 1952
Tipe Vegvliegtuig
Vervaardiger Grumman
Nooiensvlug 21 November 1947
Onttrek 1958 Amerikaanse Vloot
Status Uit diens gestel
Hoofgebruikers Amerikaanse Vloot
Amerikaanse Marinierskorps
Argentynse Vloot
Aantal gebou 1 382
Weergawes Grumman F-9 Cougar

Die Grumman F9F Panther is 'n Amerikaanse vegvliegtuig en is gebruik deur die Amerikaanse Vloot op hul vliegdekskepe. Dit was die vegvliegtuig wat die meeste deur die vloot gebruik is tydens die Korea-oorlog. Dit was die meeste gebruik vir grondaanvalle maar het ook sukses behaal teenoor die MiG's in luggevegte. Op 3 Julie 1950 het 'n Panther van die USS Valley Forge die vloot se eerste sukses in 'n luggeveg behaal toe dit 'n Yak-9 afgeskiet het. Teen die einde van die oorlog het die F9F 78,000 missies gevlieg.

Teen die einde van die Tweede Wêreldoorlog het die Amerikaanse Vloot 'n spesifikasie uitgereik vir 'n vegvliegtuig vir 'n alleweerstoestand, nagvegter wat toegerus is met radar wat vanaf 'n vliegdekskip kan fungeer. Grumman het die eksperimentele vliegtuig XF9F-1 voorgestel; dit sou aangedryf word deur vier straalmotore. Dit was omrede die eerste geslag straalmotore se stukrag nog laag was. Die vier motore sou tot gevolg hê dat die vlerke 17 m lank sou wees en dan te groot so wees vir werking op 'n vliegdekskip. Gelukkig het sterker motore verskyn en hulle kon die ontwerp aanpas. Die prototipe het op 24 November 1947 gevlieg en was aangedryf deur 'n Rolls-Royce Nene-motor.

'n Kenmerk van die vliegtuig is die brandstoftenks aan die punte van die vlerke met 'n inhoud van 454 liter elk. Die tenks was die eerste keer in Februarie 1948 getoets en toe deel gebly van die vliegtuig, om sy togafstand te verbeter. Die eerste modelle het reguit vlerke gehad en daar word nou na hulle verwys as model F9F-2. Produksie modelle het die vloot in Mei 1949 bereik nadat vliegdekskip toetse twee maande vroeër afgehandel is. Daar is die meeste van model F9F-5 vervaardig wat die J48 motor met 3,175k stukrag gebruik het. Daar was 616 van die model vervaardig en afgelewer tussen November 1950 en Januarie 1953. Die Panther is eers in 1958 uit diens onttrek. In 1966 was 'n klompie van die vliegtuie herbou en aan Argentinië verkoop.

Daar was 1,382 eenhede van die vliegtuig vervaardig.

Tegniese besonderhede[wysig | wysig bron]

Besonderhede van die Grumman F9F-2B Panther:
Item Statistiek
Aantal motore 1
Tipe motor Straalmotor
Vervaardiger Pratt & Whitney J42-P-8 turbostraal
Kraglewering per motor 2 586 kg stukrag
Vlerkspan 11,58 m
Lengte 11,35 m
Hoogte 3,45 m
Vlerkoppervlakte 23,22 m2
Maks. opstygmassa 8 842 kg
Maks. snelheid 877 km/h
Operasionele hoogte 13 600 m
Togafstand 2 177 km
Klimvermoë 1 567 m per minuut
Bewapening Vier 20 mm kanonne

plus voorsiening vir 908 kg bomme onder die vlerke

Sien ook[wysig | wysig bron]

Bron[wysig | wysig bron]