Yakovlev Yak-9

in Wikipedia, die vrye ensiklopedie
Jump to navigation Jump to search
Yakovlev Yak-9
Yak 9 1.jpg
'n Lugwaardige replika van 'n Yak-9U (Yak-9UM) te Reno, VSA
Tipe Vegvliegtuig
Vervaardiger Yakovlev
Ontwerp deur Alexander Sergeevich Yakovlev
Nooiensvlug 1943
Status Onttrek
Hoofgebruiker Russiese Lugmag
Vervaardig 1942–1948
Aantal gebou 16,769

Die Yakovlev Yak-9 was 'n vegvliegtuig wat deur Rusland ontwikkel en gebruik is tydens die Tweede Wêreldoorlog. Die Yakovlev Yak-9 is ontwikkel uit die Yakovlev Yak-7. Die Yak-7 was ontwikkel as 'n tweesitplek opleidingsvliegtuig maar sy vlieg vermoë was beter as die van die Yak-1 en gevolglik was 'n enkelsitplek vegvliegtuig weergawe bestel waarvan meer as 5,000 gebou was.

Ontwikkeling[wysig | wysig bron]

Die Yak-9 was ontwerp saam met die Yakovlev Yak-3 en was ontwikkeling van die Yak-7. Produksie van die Yak-9 het in Oktober 1942 begin. Dit het verskil van die vorige modelle omrede daar ligte metaal allooi in die vlerke gebruik is in stede van hout. Die vliegtuig het homself bewys tydens die Slag van Stalingrad waar dit teen die Messerschmitt Bf 109 te staan gekom en oorskadu het. Die Free French Normandie-Niemen Group, wat saam met die Russiese Lugmag geveg het, en die Vry Poolse eskasers was met die Yak-9 toegerus. Teen die middel van 1943 is meer en meer aluminium gebruik om die vliegtuig sterker en ligter te maak. Terselfdertyd is die VK-105 motor ook verbeter. Van die variante is die Yak-9M en die Yak-9D. Die Yak-9DD was ontwikkel met 'n ultra lang togafstand om die Amerikaanse bomwerpers te vergesel van en na die Oekraïne en die suide van Italië.

Die laaste variant is die Yak-9U wat heeltemal van metaal gemaak is. Die Yak-9U het die eerste keer in Desember 1943 gevlieg en in diens gestel in die middel van 1944. Dit was aanvanklik toegerus met die VK-105PF-2 motor en later die VK-107A wat 'n maksimum snelheid van 698km/h verseker het. Selfs die eerste Yak-9U's was beter as die Duitse vegvliegtuie.

Daar was 16,769 Yak-9 vegvliegtuie gebou tydens die oorlog en produksie het geduur tot in 1946. Gedurende die Koreaanse oorlog was die Yak-9 toegerus met kanonne en was die gevorderste vliegtuig in die Noord-Koreaanse Lugmag. Daar was meer as 37,000 van die Yak vegvliegtuie gebou.

Tegniese besonderhede[wysig | wysig bron]

Besonderhede van die Yakovlev Yak-9U:
Item Statistiek
Aantal motors 1
Tipe motor Skroef
Vervaardiger Klimov VK-107A inlynmotor
Kraglewering per motor 1,650 perdekrag
Vlerkspan 9,77 m
Lengte 8,55 m
Hoogte 2,96 m
Vlerkoppervlakte 17,25 m2
Maksimum opstygmassa 3 098 kg
Maksimum snelheid 698 km/h
Operasionele hoogte 11 900 m
Togafstand 870 km
Klimvermoë 1,500 m per minuut
Bewapening Een 20 mm kanon in die neus
en twee 12.7 mm masjiengewere
asook twee 100kg bomme onder vlerke

Sien ook[wysig | wysig bron]

Bron[wysig | wysig bron]