Haarversteiling

in Wikipedia, die vrye ensiklopedie
Spring na: navigasie, soek
'n Vrou se hare vóór en ná haarversteiling deur middel van 'n haarstrykyster.
'n 2007-model GHD-ministileerder.
Haarversteiling deur middel van haarstrykysters is 'n algemene element in veral die emo-subkultuur, alhoewel dit nie tot hulle beperk is nie.

Haarversteiling of haarstryk is 'n haarstileringstegniek wat die hare plat en reguit maak om dit 'n gladde voorkoms te gee. Die effek kan verkry word deur haarstrykysters en warmkamme, chemiese ontspanners, Japannese haarversteiling of Brasilliaanse haarversteiling te gebruik. Bykomend kan sommige sjampoeë, haaropknappers (kondisioneerders) en haarjels help om hare tydelik reguit te maak.

Haarstrykysters en warmkamme kan die haartekstuur egter net tydelik verander, terwyl ontspanners die haarstruktuur permanent beïnvloed (nuwe haargroei word egter nie geaffekteer nie). Dit is al gerapporteer dat die middel interferon alfa-haarfollikels kan verander om 'n permanente verandering in 'n persoon se haartekstuur teweeg te bring.[1]

In die moderne modes het haarversteiling in gewildheid toegeneem. Terwyl krulhare die modes in die 1980's gedomineer het, het haarversteiling veral in die Verenigde State teen die einde van die 1990's en tot in die 2000's baie gewild geraak.

Verwysings[wysig]

  1. Roger Highfield. "Scientists hold out prospect of a pill to make your hair curl", www.telegraph.co.uk The Daily Telegraph, 2005-11-17. URL besoek op 2009-01-08.