Handbook of the Birds of the World

in Wikipedia, die vrye ensiklopedie
Jump to navigation Jump to search

Die Handbook of the Birds of the World (HBW) is ’n reeks van 16 volumes wat deur die Spaanse uitgewer Lynx Edicions uitgegee word in samewerking met BirdLife International. Dit is die eerste handboek wat elke bekende lewende voëlspesie (of elke spesie in enige klas) illustreer en in besonderhede bespreek.

Die materiaal in elke volume is eerstens gerangskik volgens familie, met ’n beskrywing van elk, en dan spesies (taksonomie, subspesies en verspreiding, beskrywings, habitat, kos, broeimetodes, bewegings, status en bewaring, en bibliografie). Meer as 200 kenners en 35 illustreerders van meer as 40 lande het al bydraes gelewer, sowel as 834 fotograwe van oor die wêreld.

As aanvulling tot die Handbook of the Birds of the World, en met die uiteindelike doel om ’n magdom inligting te versamel oor al die voëls van die wêreld, het Lynx Edicions in 2002 die Internet Bird Collection (IBC) begin. Dit is ’n gratis (maar nie vryelisensie-) oudiovisuele aanlyn biblioteek[1] van die wêreld se voëls met die doel om video's, foto's en klankgrepe te verskaf wat ’n verskeidenheid biologiese aspekte van elke spesie sal wys. Die is ’n projek sonder winsbejag waarvan die materiaal deur meer as 100 bydraers van oor die wêreld verskaf word.

Verwysings[wysig | wysig bron]

  1. "the Internet Bird Collection". Ibc.lynxeds.com. 2012-02-20. Besoek op 2012-04-18.