Gaan na inhoud

Hennie Maas

in Wikipedia, die vrye ensiklopedie
Hennie Maas
Gebore
Hennie Maas

(1942-11-02)2 November 1942
Sterf4 April 2024 (op 81)
NasionaliteitVlag van Suid-Afrika Suid-Afrika
BeroepOmroeper
Bekend virSterre en Planete

Hennie Maas24 November 19424 April 2024) was 'n Suid-Afrikaanse omroeper. Hy is in Pretoria gebore en het sy laer- en hoërskoolloopbaan in dié stad deurloop. Hy studeer aan die Universiteit van Pretoria en begin in 1965 by die Suid-Afrikaanse Uitsaaikorporasie in Commissionerstraat, Johannesburg, werk. Sy eerste werk by die SAUK was as aanbiedingsassistent wat die uitsaaigehalte van uitsendings beheer het. In die laat 1960's skuif Maas na die nuusafdeling van die SAUK, en in 1970 aanvaar hy 'n pos as omroeper by Radio Nederland Wêreldomroep in Hilversum waar hy drie jaar werksaam is.

Ná sy terugkeer na Suid-Afrika sluit hy in 1973 by die Afrikaanse radiodiens as omroeper aan. Hy aanvaar in 1978 'n pos by Sentrachem as skakelbeampte. In 1983 keer Maas terug na die Afrikaanse diens en doen verskeie programme soos In my kontrei, Langs die Maasrivier, Koper, strykers en ander snare, Met 'n lied in die hart, Hoe verklaar u dit, Pixel en Sterre en Planete. Na sy aftrede in 2005 gaan hy voort met Sterre en Planete. Hy was getroud en het een seun gehad. Hy was 'n medeskrywer van Sterre en Planete wat in 2017 deur Naledi Uitgewers uitgegee is.[1]

Verwysings[wysig | wysig bron]

  1. Inligting verkry van die 2017 Naledi Uitgewers publikasie Sterre en Planete.

Bronne[wysig | wysig bron]

  • Bezuidenhout, Leonie (4 April 2024). "Reus in uitsaaiwese se stem nou stil". Maroela Media.