Henry Gantt

in Wikipedia, die vrye ensiklopedie
Henry Laurence Gantt
Gebore 20 Mei 1861
Calvert County, Maryland
Oorlede 23 November 1919 (op 58)
Montclair, New Jersey
Nasionaliteit Vlag van Verenigde State van Amerika Verenigde State
Vakgebied wetenskaplike bestuur
Alma mater Stevens Instituut van Tegnologie
Johns Hopkins Universiteit
Bekend vir Gantt-grafiek

Henry Laurence Gantt, A.B., M.E. (* 20 Mei 1861 - † 23 November 1919) was 'n meganiese ingenieur en bestuurskonsultant wat veral bekendheid verwerf het vir sy ontwikkeling van die Gantt-grafiek in die 1910's. Hierdie Gantt-grafieke is op groot infrastruktuurprojekte soos die bou van die Hoover dam en die Amerikaanse snelwegstelsel en bly 'n belangrike hulpmiddel in projekbestuur vandag.[1] Die Amerikaanse vereniging vir Meganiese Ingenieurs ken jaarliks 'n medalje toe vir uitstaande bestuursprestasie en diens aan die gemeenskap wat na Henry Gantt vernoem is.

Biografie[wysig | wysig bron]

Gantt is gebore in Maryland in die V.S.A. Hy het sy skoolopleiding aan die McDonogh skool ontvang en het by die Johns Hopkins Universiteit gestudeer. Hy het toe as 'n onderwyser en tekenaar gewerk voordat hy homself as meganiese ingenieur gekwalifiseer het. In 1887 het hy saam met Frederick W. Taylor gewerk en het hulle saam die beginsels van wetenskaplike bestuur in hul werk toegepas by die Midvale- en Betlehem Steel fabrieke tot en met 1893. In sy latere loopbaan as bestuurskonsultant na die ontwikkeling van die Gantt-grafiek het hy ook die 'taak en bonus' vergoedingstelsel ontwikkel en verdere meetmetodes om werkersdoeltreffendheid en produktiwiteit aan te spreek.

Verwysings[wysig | wysig bron]

  1. Geskiedenis van die Gantt-grafiek Geargiveer 8 Desember 2015 op Wayback Machine nagegaan op 7 April 2007.