Herero

in Wikipedia, die vrye ensiklopedie
Spring na: navigasie, soek
Hereros
Herero women.jpg
Totale bevolking: 240 000
Belangrike bevolkings  in: Namibië
Taal: Herero
Geloofsoortuiging: Afrika Tradisionele Godsdiens, Christene
Verwante etniese groepe: Bantoe, Namas.
Herero in tradisionele drag aan die einde van die 19de eeu

Die Herero is 'n swart stam van wie die meerderheid in Namibië voorkom, en die res in Botswana en Angola. In 2013 is die getal Herero's in Namibië op ongeveer 250 000 geraam. Hul taal behoort tot die Bantu-subfamilie van die Niger–Kongo-groepering.[1]

Voorkoms[wysig | wysig bron]

Die Herero kan beskryf word as lank, waardig en ligter van kleur as ander stamme in die omgewing, en het vermoedelik uit Sentraal- of Noord-Afrika geëmigreer. Hulle glo tradisioneel aan voorvaderaanbidding en is hoofsaaklik beesboere. Die vroue dra 'n buitengewone lang, wye hooftooisel.

Kontak met westerlinge[wysig | wysig bron]

Jacobus Coetzee het in 1760 die Herero's vir die eerste keer teëgekom. In 1830 het die Duitse sendeling Johann Schmelen, en in 1842 het eerw. Carl Hugo Hahn probeer om hulle tot die christelike geloof oor te haal. Die Duitsers het die land gekoloniseer en het herhaaldelik in botsing gekom met die Herero's onder hoofman Samuel Maherero. Die eerste Herero wat die Christelike doop ontvang het en wel op 25 Julie 1858, 15 jaar nadat Hahn sy werk onder dié volk begin het, was Johanna Gertze. Sy het hom ook 'n Duits-Herero-woordeboek help opstel en in Duitsland gehelp om Herero-tekste persklaar te maak.

'n Duitse argiefbeeld van Herero uit die koloniale tyd

Namibiese volksmoord[wysig | wysig bron]

In die Herero-oorlog (1904-1907) tussen Duitse koloniste en die Herero's word die stam heeltemal verslaan en baie word gedood. Talle sterf aan dors en uitputting nadat hulle die woestyn in verdryf is deur gewapende Duitsers. Gedurende hierdie tyd het die Herero-bevolking van 90 000 na 20 000 verminder. 179 Duitse offisiere en 2 169 manskappe het in die opstand gesneuwel.

Bronne[wysig | wysig bron]

Verwysings[wysig | wysig bron]

  1. Die woord "Bantu" in die linguistiese sin moet nie verwar word met die ou woord "Bantoe" wat vandag deur swart Afrikane as kwetsend aangevoel word nie.