Herfs

in Wikipedia, die vrye ensiklopedie
Spring na: navigasie, soek
Herfs in België
Afgevalle herfsblare

Herfs is een van die vier seisoene waarin die jaar opgedeel word. Herfs volg na die somer en kom voor die winter. Gedurende die herfs word die dae korter en die nagte langer (dit word vroeër donker).

Meteorologies gesproke val die maande Maart, April en Mei in die herfs (Suidelike Halfrond). Terwyl dit herfs in die Suidelike Halfrond is, is dit lente in die Noordelike Halfrond.

Astronomies gesproke begin die herfs egter met die herfsnagewening. In die Suidelike Halfrond vind die herfsnagewening gewoonlik op 20 Maart plaas. In die Noordelike Halfrond vind dit gewoonlik op 21 September plaas.

In die herfs begin bladwisselende plante se blare verkleur en word dit afgegooi. Diere wat in die winter hiberneer begin al hoe meer voedsel inneem om hul liggame met die oorwinteringsproses te help. Voëls begin meer en meer in groepe byeenkom en migreer in groot swerms na warmer dele van die wêreld.

Eksterne skakels[wysig | wysig bron]