Noordelike Halfrond

in Wikipedia, die vrye ensiklopedie
Die Noordelike Halfrond
Skematiese voorstelling van die traagheidsirkels van lugmassas in die afwesigheid van enige ander kragte, bereken vir windsnelhede van ongeveer 50 tot 70 m/s. Let daarop dat die rotasie presies teenoorgesteld is aan wat normaalweg ondervind word met lugmassas in weerstelsels om laagdrukstelsel soos in siklone

Die Noordelike Halfrond is die helfte van 'n planeet se oppervlak wat noord van die ewenaar lê. Op Aarde bevat die Noordelike Halfrond meeste van die landmassa en ongeveer 88-90% van die menslike bevolking.

In die gematigde dele van die halfrond duur winter van Desember tot Maart. Winter kan egter reeds in September begin en tot Mei of selfs Junie duur in die arktiese gebiede en somer van Junie tot September.

Die Aarde se perihelion, waartydens orbitale beweging die vinnigste is, vind in Januarie plaas. 'n mens sou dus kon verwag dat noordelike winters korter behoort te wees en meer gematig as in die Suidelike Halfrond by ekwivalente breedtegrade, maar in praktyk kompenseer die matigende invloed van die Suidelike Halfrond oseane vir die effek. Tropiese gebiede is geneig om 'n nat seisoen in die 'somer' maande te hê en 'n droë seisoen in die 'winter' maande.

Gebiede noord van die poolsirkel sal in die somer dae ondervind waar die son glad nie onder gaan nie en in die winter dae wanneer die son nooit opkom nie. Die hoeveelheid dae wat dit gebeur wissel van een dag vir plekke op die poolsirkel en verskeie maande naby die Noordpool self.

As gevolg van die Coriolis effek waai winde in siklone in die Noordelike Halfrond linksom (teen-kloksgewys) terwyl dit in die Suidelike Halfrond regsom (kloksgewys) waai.

Kyk ook[wysig | wysig bron]