Herschel-ruimtesterrewag

in Wikipedia, die vrye ensiklopedie
Jump to navigation Jump to search
Die Herschel-ruimtesterrewag.

Die Herschel-ruimtesterrewag was ’n ruimtesterrewag wat deur die Europese Ruimteagentskap (ESA) gebou en beheer is. Dit was van 2009 tot 2013 aktief en was die grootste infrarooi-teleskoop wat nog gelanseer is;[1] dit het ’n enkele 3,5 m-spieël gehad,[1][2] asook instrumente wat sensitief was vir infrarooi en submillimeter-golfbande (55–672 µm). Nasa was ook ’n vennoot in die sending.[3]

Die sterrewag is in Mei 2009 in ’n wentelbaan gestuur en het die Tweede Lagrange-punt van die Son-Aarde-stelsel, sowat 1 500 000 km van die Aarde af, twee maande later bereik. Dit is genoem na William Herschel, die ontdekker van die infrarooispektrum en die planeet Uranus, en sy suster en samewerker, Caroline Herschel.[4]

Herschel kon die koudste en stowwerigste plekke in die ruimte sien.[5] Dit het deur stervormende wolke gesif om te ondersoek hoe moontlike lewegewende molekules soos water gevorm word.

Die teleskoop se lewensduur is bepaal deur die hoeveelheid koelmiddel vir sy instrumente; die instrumente sou nie meer reg gewerk het as die koelmiddel opraak nie. Met sy lansering is dié tydperk geraam op 3,5 jaar (tot aan die einde van 2012).[6] Dit het egter bly werk tot 29 April 2013 voor die koelmiddel opgeraak het.[7]

Verwysings[wysig | wysig bron]

  1. 1,0 1,1 "ESA launches Herschel and Planck space telescopes". Aerospaceguide. Besoek op 3 Desember 2010. 
  2. "ESA launches Herschel and Planck space telescopes". Euronews. Besoek op 3 Desember 2010. 
  3. "NSSDC Spacecraft Details: Herschel Space Observatory". Nasa. Besoek op 3 Julie 2010. 
  4. "Revealing the invisible: Caroline and William Herschel". ESA. 18 June 2000. Besoek op 22 Julie 2010. 
  5. ESA Science & Technology: Herschel. URL besoek op 28 Julie 2010
  6. "Infrared Space Astronomy: Herschel". Max-Planck-Institut für Astronomie. Geargiveer vanaf die oorspronklike op 29 Junie 2009. Besoek op 29 Junie 2009. 
  7. Amos, Jonathan (29 April 2013). "Herschel space telescope finishes mission". BBC News. Besoek op 29 April 2013. 

Eksterne skakels[wysig | wysig bron]