Homoniem

in Wikipedia, die vrye ensiklopedie
Spring na: navigasie, soek

Homonieme is woorde wat dieselfde spelling het en ook dieselfde klink, maar waarvan die betekenisse verskil. Die verskil in betekenis kan net afgelei word as daar na die konteks waarin dit gebruik word, gekyk word.

Voorbeelde[wysig]

  • as (dit wat oorbly as iets verbrand het), as (van ’n motor), as (as dit so is.=.indien dit so is)
  • brak (hond), brak (souterig)
  • by (insek wat heuning maak), by (in die nabyheid)
  • eg (nie vals nie), eg (plaaswerktuig), eg (huwelik)
  • geld (betaalmiddel), geld (van toepassing wees op, byvoorbeeld “dit geld nie vir jou nie”)
  • graaf (waarmee ’n mens spit), graaf (edelman)
  • kan (in staat wees), kan (waarin die koffie is)
  • kant (uiterste rand), kant (fyn weefsel)
  • kap (wat jy met hout kan doen), kap (deksel oor die masjien van ’n motor)
  • ken (’n deel van die gesig), ken (weet van)
  • kies (opening tussen die tandvleis en die wang), kies (’n keuse doen)
  • kom (skottel), kom (iets of iemand nader)
  • leer (toestel met sporte waarteen jy kan opklim), leer (godsdienstige stelsel, soos in “die leer van Christus”), leer (die gelooide of gebreide vel van diere)
  • lewer (orgaan in die liggaam), lewer (verskaf)
  • maat (afmeting), maat (kameraad)
  • meer (in groter hoeveelheid), meer (groot binnelandse watermassa)
  • noot (musiekgeluid), noot (papiergeld)
  • roer (beweeg), roer (ou woord vir ’n geweer)
  • rys (graansoort), rys (styg)
  • staaf (blok van metaal of ’n ander materiaal), staaf (bevestig)
  • steel (handvatsel van byvoorbeeld ’n besem, byl of hamer), steel (diefstal pleeg)
  • tog (’n reis), tog (soos in “kom tog nou”)
  • vas (nie los nie), vas (sonder kos bly)
  • vertrek (kamer) en vertrek (weggaan).
  • voor (waarin die water loop), voor (nie agter nie)

Sien ook[wysig]

  • Homofoon, woorde eenders klink, maar die betekenis en spelling verskil.
  • Sinoniem, woorde wat dieselfde betekenis het.
  • Antoniem, woorde wat die teenoorgestelde betekenis het.