Hulp:Taksonidentifiseerders

in Wikipedia, die vrye ensiklopedie

Taksonidentifiseerders is identifiseerders wat daarop gemik is om inligting te verskaf oor taksons by biologiese en taksonomiese databasisse. Deur ’n nommer aan ’n takson toe te ken, kan inligting oor die takson bygewerk word sonder dat dit die verkryging van inligting beïnvloed. Dit werk baie soos ’n strepieskode om inligting te versamel. Op Wikipedia kan taksonidentifiseerders onderaan ’n bladsy gekry word; dit verskaf ’n skakel na taksondatabasisse.

Taksonidentifiseerders stel navorsers in staat om maklik na inligting oor die onderwerp van die bladsy te soek. Dit word byvoorbeeld in spesie-artikels gebruik sodat nuwe inligting oor die spesie maklik opgesoek kan word.

Die identifiseerders kan soos volg lyk:

Onderaan ’n bladsy oor ’n dieretakson sal byvoorbeeld inligting soos hier bo verskaf word by onder meer die volgende databasisse:

  • Wd: Wikidata, wat deur die Wikimediastigting onderhou word. Elke Wikidata-item wat met ’n takson verband hou, verskaf data soos die taksonidentifiseerder.
  • ARKive: ARKive is 'n globale inisiatief om films, foto's en klankopnames van die wêreld se spesies in 'n sentrale digitale biblioteek te versamel.
  • Eol: Encyclopedia of Life, ’n gratis aanlyn ensiklopedie wat probeer om al 1,9 miljoen lewende spesies wat aan die wetenskap bekend is, te dokumenteer.
  • EPPO: ’n EPPO-kode is ’n geënkodeerde identiseerder wat daarop gemik is om organismes te identifiseer.
  • GBIF: Global Biodiversity Information Facility, ’n internasionale organisasie wat daarop fokus om wetenskaplike data oor biodiversiteit met behulp van webdienste oor die internet beskikbaar te stel.
  • iNaturalist: iNaturalist is ’n projek en aanlyn sosiale netwerk van naturaliste, wetenskaplikes en bioloë wat waarnemings van biodiversiteit oor die wêreld heen karteer en deel.
  • ITIS: Integrated Taxonomic Information System, ’n Amerikaanse vennootskap van federale agentskappe wat betroubare inligting oor die taksonomie van biologiese spesies verskaf.
  • NCBI: ’n Taksonblaaier van die National Center for Biotechnology Information.

Bogenoemde is net ’n klein voorbeeld van databasisse wat beskikbaar is. Die skakels onderaan ’n bladsy sal wissel van takson tot takson na gelang van die beskikbaarheid van databasisinskrywings. Vir 'n volledige lys van identifiseerers, sien Sjabloon:Taksonbalk/doc.