iPod

in Wikipedia, die vrye ensiklopedie
Spring na: navigasie, soek
Die huidige iPod-familie, van links na regs: iPod Shuffle, iPod Nano, iPod Classic, iPod Touch.

iPod is 'n tipe draagbare mediaspeler wat deur Apple ontwerp en versprei word. Die iPod-projek is in Oktober 2001 van stapel gestuur. Daar is tans 'n verskeidenheid iPod-produkte: die oorspronklike hardeskyfgebaseerde iPod classic, die iPod touch (wat soortgelyk is aan die iPhone, die iPod nano wat ook video's kan speel, en die skermlose iPod shuffle. Vorige produkte sluit in die iPod mini wat deur die iPod nano verplaas is, en die iPod photo wat in die huidige iPods geïntegreer is. Die iPod classic-modelle stoor multimedia op 'n interne hardeskyf, terwyl al die ander modelle flash geheue gebruik sodat die produk in 'n kleiner grootte beskikbaar kan wees. Net soos vele ander digitale draagbare musiekspelers, kan iPods ook gebruik word om soos 'n groot USB-geheuestaaf te funksioneer deurdat enige soort data daarop gestoor kan word.

Apple se iTunes-sagteware word gebruik om musiek vanaf die rekenaar op die iPod te sit. iTunes stoor 'n musiekbiblioteek op die gebruiker se rekenaar en kan musiek speel, CD's skryf, en musiek van 'n musiek-CD rip. Apple het sy ontwikkeling op die iPod se unieke gebruikerskoppelvlak en sy gebruikersvriendelikheid gefokus, eerder as op tegniese bekwaamheid. Sedert April 2007 is daar al meer as 100 miljoen Apple iPods wêreldwyd verkoop.