Ian Scheckter

in Wikipedia, die vrye ensiklopedie
Jump to navigation Jump to search
Ian Scheckter
Ian Scheckter tydens die 1977 Argentynse Grand Prix
Ian Scheckter tydens die 1977 Argentynse Grand Prix
Geboortedatum 22 Augustus 1947 (1947-08-22) (72 jaar oud)
Geboorteplek Oos-Londen, Suid-Afrika
Nasionaliteit Vlag van Suid-Afrika Suid-Afrikaans
Aktiewe jare 1974–1977
Inskrywings 20 (18 starts)
Kampioenskappe 0
Oorwinnings 0
Podiums 0
Loopbaanpunte 0
Voorste wegspronge 0
Vinnigste rondtes 0
Eerste wedren 1974 Suid-Afrikaanse Grand Prix
Laaste inskrywing 1977 Kanadese Grand Prix

Ian Scheckter (gebore 22 Augustus 1947, Oos-Londen, Suid-Afrika) is 'n voormalige renjaer wat onder andere tussen 1974 en 1977 aan altesaam 20 renne in die Formule Een-wêreldkampioenskap deelgeneem het.

Hy het sy Formule Eendebuut by die Suid-Afrikaanse Grand Prix op 30 Maart 1974 gemaak. Hy kon gedurende sy Formule Eenloopbaan van twintig wedrenne geen bestuurderskampioenskappunte aanteken nie en die beste posisie waarin hy kon eindig was 'n tiende plek. Hy het sy Formule Eenloopbaan as 'n lid van die Gunstonspan begin. Hy het in 1975 vir Williams aan die Sweedse Grand Prix en Hollandse Grand Prix deelgeneem.

In 1977 het hy vir die Team Rothmans International-span in 'n March gejaag en was vir die volle seisoen ingeskryf. Ian Scheckter se finale Grand Prix sou die Japannese Grand Prix in 1977 wees, maar weens sy Suid-Afrikaanse paspoort is hy verhoed om Japan te besoek.

Ná sy Formule Eenloopbaan het hy na Suid-Afrika teruggekeer om die plaaslike Formula Atlantic-reeks vir 'n paar seisoene te oorheers. Hy was die Formula Atlantickampioen vanaf 1976 tot 1979, en weer in 1983 en 1984.

Ian Scheckter is die ouer broer van die 1979 Formule Eenwêreldkampioen Jody Scheckter, en die oom van die Indy Racing League-renjaer Thomas Scheckter.