Ingries

in Wikipedia, die vrye ensiklopedie
Ingries
ižoran keeli
Gepraat in: Vlag van Rusland Rusland 
Gebied: Vlag van Ingermanland Ingermanland
Totale sprekers: 820 (1989)[1]
Taalfamilie: Oeraals
 Fins-Oegries
  Fins-Permies
   Fins-Wolgaïes
    Fins-Samies
     Oosseefins
      Ingries 
Skrifstelsel: Latynse alfabet (Ingriese variant)
Taalkodes
ISO 639-1: geen
ISO 639-2:
ISO 639-3: izh

Ingries of Izhories (ižoran keeli) is 'n uiters bedreigde taal, wat in die historiese Ingermanlandgebied in Noordwes-Rusland gepraat word, uit die Fins-Oegriese taalfamilie. In die 1989 Sowjetuniesensus het 820 mense hulle moedertaal as Ingries aangegee. Die sprekers behoort aan 'n klein volk, die Ingriërs, wat in die Leningrad-oblast wes van Sint Petersburg leef. 'n Kortstondige skryftaal het in die 1930's die lig gesien. Dit is egter nie deur die destydse Sowjetunieregering ondersteun nie. Ingries is nou verwant aan Fins en Karelies en Finse taalkundiges beskou dit nie as 'n aparte taal nie maar as 'n oostelike dialek van Fins soos die dialekte van die Ingriese Finne of Ingermanlanders, die nasate van protestante Finne wat in die 17de eeu onder Sweedse aanmoediging na Ingermanland geïmmigreer het.[2]

Vier Ingriese dialekte kan onderskei word: Die benede-Luga en Soikkola dialekte wat in die westelike deel van Ingermanland gepraat word en die Kheva dialek op die Ingermanland Plato sowel as die Oredezh of Bo-Luga dialek wat naby die Oredezhrivier gepraat is. Die Oredezh dialek is is nou uitgestorwe.[2]

Om verwarring met die Ingermanlanders en hulle taal te voorkom word daar soms na die taal as Izchories verwys.

Verwysings[wysig | wysig bron]

  1. "Ethnologue: Languages of the World, Seventeenth edition, Ingrian" (in Engels). Ethnologue. Geargiveer vanaf die oorspronklike op 20 Junie 2019. Besoek op 1 April 2016.
  2. 2,0 2,1 THE IZHORIANS OR INGRIANS, besoek op 3 Januarie 2008