Internetradio

in Wikipedia, die vrye ensiklopedie
Spring na: navigasie, soek

Internetradio (ook genoem e-Radio) verwys na 'n oudio-uitsendersdiens wat deur die Internet uitsaai. Uitsending oor die Internet word gewoonlik na verwys as websending omdat dit nie breedweg deur draadlose wyses versend word nie, maar eerder oor die Wêreldwye Web. Die term "internetradio" beteken 'n stromende medium wat aan luisteraars 'n aaneenlopende stroom van klank bied, waaroor hulle geen beheer het nie — soos die geval is met tradisionele uitsendersmedia. Internetradio staan nie sinoniem met podgooiery nie, omdat podgooie afgelaai moet word en gevolglik kopieregkwessies inbring. Internetradio bied ook nie lêerbediening op aanvraag nie. Vele Internetradiostasies word geassosieer met 'n ooreenstemmende tradisionele terrestriale radiostasie of radionetwerk. Radiostasies wat slegs oor die internet uitsaai is gewoonlik onafhanklik van sulke instellings.

Internetradiostasies is normaalweg van enige plek op die aarde toeganklik. Dit is byvoorbeeld moontlik om na 'n Australiese stasie vanaf Europa of Amerika te luister. Hierdie voordeel maak dit 'n gewilde diens onder expats en vir luisteraars wie se behoeftes nie deur hul plaaslike radiostasies bevredig word nie (soos wat die geval is met progressiewe rock, anime-musiek, klassieke musiek, stand-up-komedie, en andere). Sommige Internetradiodienste bied nuus, sport, terugvoer, en 'n groot variasie in musiek.

Eksterne skakels[wysig]

  • Uitsaaines, Afrikaanse Internet radiostasie wat wêreldwyd uitsaai.
  • Ja.fm (Jacaranda Afrikaans), 'n internetradio- en musiek-gemeenskapswebwerf wat Afrikaanse musiek uitsaai.
  • Radio Suid Afrika, Afrikaanse Stasie