Irna van Zyl

in Wikipedia, die vrye ensiklopedie
Spring na: navigasie, soek
Irna van Zyl
Nasionaliteit Suid-Afrika
Beroep Skrywer
Bekende werke Moordvis
Webblad irnavanzyl.co.za

Irna van Zyl is 'n Suid-Afrikaanse joernalis en skrywer. Haar debuutroman, Moordvis, is in 2016 bekendgestel.

Lewensloop[wysig | wysig bron]

Van Zyl het 'n honneurs in Afrikaans en Nederlandse letterkunde, asook 'n honneurs in Joernalistiek aan die Universiteit van Stellenbosch verwerf. In Desember 1979 begin sy as verslaggewer by Die Burger in Kaapstad te werk.

In 1981 wen sy die Stellenbosch-Boerewynmakery se prys vir ondernemende joernalistiek vir die vloedrampe by Laingsburg en spesifiek Montagu. Sy word Die Burger se eerste vroulike hoofsubredakteur in 1985, en in 1988 redakteur van De Kat in Johannesburg.

Haar kortverhaalbundel Grootmensspeletjies is in 1995 gepubliseer.

Sy verlaat De Kat in 1996 om na Kaapstad terug te trek, waar sy New Media Publishing in 1998 saam met John Psillos, Naomi Herselman en Sheldon Cohen stig. Kort daarna word sy ook redakteur van Insig en van 2007–2009 redakteur van Boeke-Insig.

Sy tree in April 2015 uit as Redaksionele Direkteur van New Media om haar voltyds op kreatiewe skryfwerk toe te spits. In dieselfde jaar is sy deur Media24 met die Piet Cillié-prys vereer vir haar joernalistieke loopbaan, asook deur Naspers met die Orde van Tafelberg vir haar bydrae as sakevrou aan die Naspers-groep.[1]

Haar eerste misdaadroman, Moordvis, is in Julie 2016 deur Penguin uitgegee. Die boek is in Engels as Dead in the Water vertaal.

Publikasies[wysig | wysig bron]

  • Grootmensspeletjies, 1995
  • Moordvis, 2016

Verwysings[wysig | wysig bron]

  1. Curriculum Vitae, irnavanzyl.co.za, besoek op 6 Januarie 2016