J. Jonah Jameson
| J. Jonah Jameson | |
| |
'n Cosplayer as J. Jonah Jameson.
| |
| Skepping | |
|---|---|
| Eerste verskyning | The Amazing Spider-Man #1 (Maart 1963) |
| Geskep deur | Marvel Comics Stan Lee en Steve Ditko |
| Inligting | |
| Ander name | John Jonah Jameson jr. |
| Spesie | Mens |
| Geslag | Manlik |
John Jonah Jameson jr.[1][2] is 'n karakter in Amerikaanse strokiesverhale van Marvel Comics en word verbind met die superheld Spider-Man. Die karakter is deur die bekende span Stan Lee en Steve Ditko geskep en verskyn die eerste keer in The Amazing Spider-Man #1 (Maart 1963).
Geskiedenis[wysig | wysig bron]
Jameson word gewoonlik uitgebeeld as die uitgewer of hoofredakteur van die Daily Bugle, 'n fiktiewe New Yorkse koerant. Hy word uitgeken aan sy tandeborselsnor, borselkophaarsnit en altyd teenwoordige sigaar. Hy voer 'n smeerveldtog teen Spider-Man (en in 'n mindere mate teen ander superhelde soos Daredevil en die Avengers). Hy verwys dikwels na Spider-Man as 'n "bedreiging" en "misdadiger"; hy glo in wetstoepassing en regeringsagentskappe, en hou niks van die superhelde wat buite die stelsel werk nie. Soms sal hy egter teen sy sin 'n bondgenoot vir Spider-Man wees.
In 'n stadium huur hy Peter Parker as 'n vryskutfotojoernalis om foto's van Spider-Man te neem, want hy wil hom graag uitvang terwyl hy iets verkeerds doen; hy is nie bewus daarvan dat Peter self die superheld is nie. Peter het op twee geleenthede sy geheime identiteit aan Jameson onthul: die eerste keer tydens die "Civil War"-voorval, wat ongedaan gemaak is deur die gebeure in "One More Day"; en die tweede keer jare later. Dit het daartoe gelei dat Jameson eindelik sy stryd teen Peter laat vaar en 'n permanente bondgenoot van hom geword het.
Jameson is 'n langdurige karakter in die Spider-Man-verhale en het per geleentheid selfs 'n hoofrol gehad, soos in Peter Parker, the Spectacular Spider-Man #80 (Julie 1983); Web of Spider-Man #52 (Julie 1989), waarin Spider-Man self net in 'n enkele paneel verskyn; en Spider-Man's Tangled Web #20 (Januarie 2003).
Verwysings[wysig | wysig bron]
- ↑ "J. Jonah Jameson". Comic Vine.
- ↑ The Amazing Spider-Man #579
Skakels[wysig | wysig bron]
Hierdie artikel is in sy geheel of gedeeltelik uit die Engelse Wikipedia vertaal.
