Jack Hammer

in Wikipedia, die vrye ensiklopedie
Jump to navigation Jump to search
Jack Hammer
OorsprongPretoria, Suid-Afrika
Genre(s)Rockmusiek
Aktiewe jare1984-nou
Webwerfwww.jackhammer.co.za
Last.fmJack Hammer
AssosiasiesPiet Botha
Portal.svg Musiekportaal

Jack Hammer is 'n Suid-Afrikaanse musiekgroep wat in in November 1984 in Pretoria deur Piet Botha, Boet Faber, Jan Maloney en Eric Birckenstock gestig is. Deur die jare was verskeie musikante deel van die groep, onder andere Oscar-bekroonde akteur Billy Bob Thornton, Rupert Mellor, klawerbordspeler van McCully Workshop, Kwaito-musiekvervaardiger Gabi le Roux, Lanie van der Walt, kitaarspeler van Not My Dog, Ken E Henson, rockmusikant, Simon Orange van Blues Broers, Mike Faure, saxofoonspeler en baie, baie ander.[1] Sedert hul eerste optrede in 1984 was Piet Botha deel van die groep, hy was ook bekend as The Hammer. Piet Botha is op 2 Junie 2019 oorlede ná 'n kort stryd met kanker.[2]

Geskiedenis[wysig | wysig bron]

Piet Botha se musieklopbaan begin in 1974 toe hy saam met Abner Smith in Pretoria begin optree. Daarna was hy deel van die musiekgroep Raven en ook van Wildebeest totdat Jack Hammer in 1984 as groep musiek begin maak het. Nadat die groep hulle toerusting aan die einde van 1984 in 'n brand verloor het, is Piet Botha na die VSA waar hy bedags as konstruksiewerker gewerk het en saans musiek gemaak het. Botha keer aan die einde van 1985 terug na Suid-Afrika en die eerste Jack Hammer-album, Jack Of All Trades, word in 1987 vrygestel.[1]

Albums[wysig | wysig bron]

Jack Hammer
  • Jack Of All Trades (1987)
  • The Judas Chapter (1990)
  • Ghosts On The Wind (1994)
  • Death Of A Gypsy (1996)
  • Anthology (2000)
  • The Pilgrim (2005)
  • TuksFM Sessions (2006)
  • Highway 13 (2008)
  • Road Works (1984-2009) (2009)
  • Handful Of Rain (2016)
Piet Botha & Jack Hammer
  • Bootleg (2001)
  • Live At The Nile (2004)[3]

Sien ook[wysig | wysig bron]

Verwysings[wysig | wysig bron]

  1. 1,0 1,1 "Jack Hammer: 35 Years Down the Road by Brian Currin, February 2008, updated June 2019". jackhammer.co.za. June 2019. Besoek op 1 Julie 2019.
  2. Piet Botha 18 July 1955 to 2 June 2019. pietbotha.wordpress.com. URL besoek op 2019-07-05.
  3. "Jack Hammer: Discography". jackhammer.co.za. Besoek op 1 Julie 2019.