Jacoba Coetzee

in Wikipedia, die vrye ensiklopedie
Jump to navigation Jump to search
Tant Koba Coetzee.

Jacoba Christoffelina Frederika Coetzee (noemnaam tant Koba, 1847–1933) was in die Gereformeerde Kerk bekend as die “predikante-moeder”.

'n Hele geslag teologiese studente en professore aan die Teologiese Skool het by haar op Burgersdorp loseer. Volgens oorlewing het sy “haar” studente goed geken en met ’n ysterhand regeer. Sy was van 'n haastige, vurige, selfs ontvlambare geaardheid, maar daarmee het sy 'n onblusbare blymoedigheid aan die dag gelê. Gedrenk in die Calvinistiese leer en lewe kon sy elke situasie, stroming en neiging takseer, beoordeel, en as dit moes, ook skerp veroordeel. Een van haar dogters, Bettie, was met getroud ds. P.W. Bingle, leraar van Colesberg van 1910–1921 en van Venterstad van 1921 tot sy dood op 8 Maart 1923.

Bron[wysig | wysig bron]

  • (af) Die Gereformeerde Vroueblad. 1959. Die Gereformeerde vrou 1859-1959. Potchefstroom: Potchefstroom Herald.