8 Maart

8 Maart is die 67ste dag van die jaar in die Gregoriaanse kalender (68ste in skrikkeljare). Daar volg nog 298 dae in die res van die jaar.

Gebeure

• 1118 – Maurice Bourdin word aangestel as Teenpous Gregorius VIII. (miskien 10 Maart).
• 1618 – Johannes Kepler ontdek derde wet van planetêre beweging.
• 1702 – Prinses Anne van die Huis van Stuart word Koningin van Engeland, Skotland en Ierland.
• 1782 – Byna 100 Inheemse Amerikaners sterf deur die toedoen van Pennsilvaniese vigilantes in 'n massamoord wat as die Gnadenhüttenmenseslagting bekend staan.
• 1816 – Pous Pius VII stel 31 nuwe kardinale aan waaronder Annibale Sermattei della Genga, titulêr aartsbiskop van Tirus, (later Pous Leo XII) en Francesco Saverio Castiglioni, biskop van Montalto, (later Pous Pius VIII).
• 1816 – Annibale Sermattei della Genga (later Pous Leo XII) word aartsbiskop van Senigallia.
• 1844 – Oscar I bestyg die troon van Swede-Noorweë.
• 1962 – Die Castel Bolognese-treinramp vind plaas naby Ravenna in Italië.
• 1966 – Nelson se Pilaar, 'n groot graniet pilaar met 'n standbeeld van Lord Horatio Nelson bo-op in Dublin, Ierland, word deur 'n bom vernietig.
• 2014 – Vlug MH370 van Malaysia Airlines verdwyn spoorloos.

Geboortes

• 1739 – Joachim van Plettenberg, goewerneur van die Kaapkolonie († 1793).
• 1847 – Ds. Johannes Rudolph Albertyn, een van die mees gevierde kanselredenaars in die Nederduitse Gereformeerde Kerk († 17 Junie 1920).
• 1898 – Dr. Eben Dönges, aangewese Staatspresident van Suid-Afrika († 1968).
• 1931 – Neil Adcock, Suid-Afrikaanse krieketspeler († 2013).
• 1948 - Annelize van der Ryst, Suid-Afrikaanse aktrise.
• 1956 – Phil Hockey, Suid-Afrikaanse ornitoloog († 2013).

Sterftes

• 1144 – Pous Celestinus II, die 165ste pous van die Rooms-Katolieke Kerk (* onbekend).
• 1702 – Willem III, koning van Engeland, Ierland en Skotland (* 1650)
• 1872 – Cornelius Krieghoff, Nederlands-gebore Kanadese skilder (* 19 Junie 1815)
• 1874 – Millard Fillmore, die dertiende President van die Verenigde State (* 1800).
• 1926 – Ds. Daniël Jozua Pienaar, leier in die NG Kerk en onderwysman (* 1853).
• 1930 – William Howard Taft, die 27ste President van die Verenigde State (* 1857).
• 2015 – Tjol Lategan, 'n Springbokrugbyspeler (* 1925).

Vakansies, vierings, en waarnemingsdae

• Internasionale Vrouedag
• Moedersdag in Albanië