Jacobus Johannes Naudé
Kaptein Jacobus Johannes Naudé (8 Januarie 1876 - ) was 'n spioen vir die Boere tydens die Tweede Vryheidsoorlog. Hy is in Smithfield gebore. Hy het bekendheid verwerf na sy spioenasie bedrywighede bekend geword het na die oorlog. G.D. Scholtz het 'n boek oor sy ervaringe geskryf: N DOODSGEVAAR: die oorlogservarings van Kapt. J. J. Naudé.
Naudé se ouers was Burgert Adriaan Naudé en Hester Cecelia van den Berg. Hy het as jong seun saam met sy ouers na Johannesburg getrek en later na Rustenburg. Hy het deelgeneem aan die ZAR se aksie teen die Hananwa in 1894 asook die Jameson-inval in 1895. Daarna het hy na Pretoria verhuis waar hy gewerk en studeer het.
Toe die Tweede Vryheidsoorlog uitbreek is hy na die Natal-front hy waar aanvanklik in die ambulans afdeling gewerk het. Hy het geveg in die Slag van Willow Grange en die Slag van Colenso. Hy het later diens gedoen in die Oranje Vrystaat. Net voor die val van Pretoria het genl. Louis Botha hom gevra om aan te bly en 'n spioenasie netwerk op die been te bring. Hy het dit gedoen en inligting soos die roosters van die treine was belangrik.
Tydens die Verdrag van Vereeniging was hy een van die ses persone wat teen vredesluiting gestem het.
Bronne[wysig | wysig bron]
- https://www.boerenbrit.com/archives/16895 Geargiveer 26 Junie 2019 op Wayback Machine
- The War Reporter. J.E.H. Grobler. Jonathan Ball Publishers. 2004. ISBN 978-1-86842-186-2