Jacques Clouseau

in Wikipedia, die vrye ensiklopedie
Jump to navigation Jump to search
Jacques Clouseau
Peter Sellers
Peter Sellers, een van die akteur wat die rol van inspekteur Clouseau vertolk het.

Skepping
Eerste verskyning The Pink Panther (1963)
Geskep deur Maurice Richlin
Blake Edwards
Uitgebeeld deur Peter Sellers
Alan Arkin
Roberto Benigni
Steve Martin
Inligting
Spesie Mens
Geslag Manlik
Beroep Polisieman
Kinders Jacques Gambrelli
Jaqueline Gambrelli
Nasionaliteit Vlag van Frankryk Frankryk

Jacques Clouseau, beter bekend as (hoof)inspekteur Clouseau, is ’n komiese karakter in die Pink Panther-flieks. Clouseau is ’n Franse polisieman wat sonder opset dom foute begaan en ongelukke veroorsaak.[1] Die rol is afwisselend deur Peter Sellers, Alan Arkin, Roberto Benigni en Steve Martin vertolk.[2]

Biografie[wysig | wysig bron]

Clouseau is op 8 September 1920 gebore. Hy wil van kleins af 'n polisieman word. As hy op staat speel, is hy gewoonlik "die held", terwyl sy vriende die boewe moes speel. Hy het dit veral gedoen om die meisies waarvan hy hou te beïndruk.

Toe hy ongeveer 18 was, het die meisie waarvan hy hou met iemand anders getrou. Couseau was gebreek en besluit dat die lewe nie langer sin maak nie. Hy het al die vensters in sy woonstel toegemaak en die gas oopgedraai om selfmoord te pleeg. Terwyl hy aan die gas stik, skryf hy 'n afskeidsbrief. 'n Kragonderbreking veroorsaak egter dat die helfte van sy huis ontplof, maar hy oorleef dit tog.

Clouseau het tydens die Tweede Wêreldoorlog geveg. Daarna word hy as 'n polisieman opgelei en het later 'n inspekteur (speurder) geword.

Flieks waarin Clouseau speel[wysig | wysig bron]

  • The Pink Panther (1963) as inspekteur Clouseau, Peter Sellers.
  • A Shot in the Dark (1964) as inspekteur Clouseau, Peter Sellers.
  • Inspector Clouseau as inspekteur Clouseau, Alan Arkin.
  • Return of the Pink Panther (1974) as inspekteur Clouseau, Peter Sellers.
  • The Pink Panther Strikes Again (1976) as inspekteur Clouseau, Peter Sellers.
  • Revenge of the Pink Panther (1978) as inspekteur Clouseau, Peter Sellers.
  • Trail of the Pink Panther (1982) as inspekteur Clouseau, Peter Sellers.
  • Son of the Pink Panther (1993) as inspekteur Clouseau, Roberto Benigni.
  • The Pink Panther (2006) as inspekteur Clouseau, Steve Martin.
  • The Pink Panther Deux (2009) as inspekteur Clouseau, Steve Martin

Sellers sterf tydens die maak van Romance of the Pink Panther (1980) en die fliek is nooit voltooi nie. Met behulp van ouer beelde uit vroeër films word 'n nuwe fliek, Trail of the Pink Panther (1982), gemaak. In Curse of the Pink Panther (1983), neem 'n polisie-inspekteur genaamd Clifton Sleigh die rol van Clouseau oor.

Verwysings[wysig | wysig bron]

  1. HAT Taal-en-feitegids, Pearson, Desember 2013, ISBN 978-1-77578-243-8
  2. Beck, Jerry (2006). Pink Panther: The Ultimate Guide to the Coolest Cat in Town. New York, New York: Dorling Kindersley, Ltd. ISBN 0-7566-1033-8.

Eksterne skakels[wysig | wysig bron]