Japan Standaardtyd

in Wikipedia, die vrye ensiklopedie
Spring na: navigasie, soek
'n Keiserlike Ordinansie wat op 27 Desember Meiji 28 (1895) uigevaardig is

Japan Standaardtyd of JST (日本標準時 or 中央標準時) is die standaardtydsone van Japan, en is 9 ure voor UTC; ie as dit middernag (00:00) is in UTC, is dit 9 vm (09:00) in Japan Standaardtyd. Japan pas nie somertyd toe nie. Die invoer van somertyd het egter reeds verskeie kere onder bespreking gekom. Japan Standaardtyd is deiselfde as Korea Standaardtyd, Indonesiese Oostelike Standaardtyd en Jakoetsktyd. gedurende die Tweede Wêreldoorlog is dit baie keer in Westerse konteks Tokio Standaardtyd (Engels: Tokyo Standard Time) genoem.

voor die Meiji era (1868–1912) het elke plaaslike gebied sy eie tydsone gehad waarin middag gestel is na die tyd wanneer die son sy hoogste punt bereik het. Soos moderne vervoermiddels soos treine aangeneem is het die gebruik onprakties begin raak as gevolg van die verwarring wat dit veroorsaak het. 'n Verskil van ongeveer 5 lengtegrade tussen Tokio en Osaka lei tot 'n verskil van 20 minute tussen die stede. In 1886 is Ordinansie 51 uitgevaardig om die probleem op te los. Hiervolgens is standaardtyd (標準時 Hyōjunji?) 9 ure voor GMT gestel (UTC was toe nog nie gevestig nie.) In die ordinansie noem die eerste klousule GMT, die tweede definieer oostelike lengtegraad en westelike lengtegraad en die derde sê dat die tydsone van 1888 sou geld. Die stad Akashi in Hyōgo Prefektuur is toevallig presies op 135 grade Oos geleë en het gevolglik as Toki no machi (Dorp van Tyd) bekend geword.

Met die anneksasie van Taiwan in 1895 is Ordinansie 167 uitgevaardig waarin die vorige standaardtyd na Sentrale Standaardtyd (中央標準時 Chūō Hyōjunji?) hernoem is en die nuwe Westelike Standaardtyd (西部標準時 Seibu Hyōjunji?) by 120° Oos gevestig is. Westelike Standaardtyd, wat in Taiwan en dele van Okinawa gebruik is, is deur Ordinansie 529 in 1937 afgeskaf. gebiede wat tydens die tweede Wêreldoorlog deur japan beset is, insluitend Singapoer en Maleië, het Japan Standaardtyd vir die duur van die besetting aangeneem maar het na Japan se oorgawe hulle eie tye heraangeneem.

In 1948–1951 het die besette Japan somertyd toegepas vanaf die eerste Sondag in Mei teen 02:00 tot die tweede Saterdag in September teen 02:00, behalwe die 1949 lentevoorwaartsskuif wat op die eerste Sondag in April geval het.[1] meer onlangs is pogings aangewend om somertyd weer in Japan in te voer maar tot dusver is dit nie deurgevoer nie[2]

Verwysings[wysig]

  1. Paul Eggert; Arthur David Olson (2007-03-13). “Sources for time zone and daylight saving time data”. URL besoek op 2007-03-23.
  2. Outline of the report on the National Conference on the Global Environment and Summer Time”. The Energy Conservation Center, Japan: 1998-09. URL besoek op 2007-04-14.