Jean Grey
| Jean Grey | |
| |
'n Cosplayer as Marvel Girl.
| |
| Skepping | |
|---|---|
| Eerste verskyning | The X-Men #1 (September 1963) |
| Geskep deur | Marvel Comics Stan Lee en Jack Kirby |
| Inligting | |
| Ander name | Jean Elaine Grey |
| Byname | Marvel Girl Phoenix Dark Phoenix White Phoenix Redd Dayspring |
| Spesie | Mutant |
| Geslag | Vroulik |
Jean Elaine Grey is 'n karakter in strokiesverhale van Marvel Comics. Sy is ook bekend as onder andere Marvel Girl, Phoenix en Dark Phoenix. Sy is deur die skrywer-redakteur Stan Lee en kunstenaar Jack Kirby geskep en het die eerste keer in The X-Men #1 (September 1963) verskyn. Jean is lid van 'n subspesie bekend as mutante, wat met bomenslike vermoëns gebore word. Sy is met psioniese kragte gebore.
Haar kragte het die eerste keer tot uiting gekom toe sy sien hoe 'n vriendin uit haar kinderdae deur 'n motor getref word. Sy is 'n deernisvolle, sorgsame mens, maar sy moet dit ook hanteer dat sy 'n mutant is en kan verander in die kosmiese Phoenix Force. Jean ondergaan 'n transformasie in Phoenix in die X-Men-storielyn "The Dark Phoenix Saga". Sy het deur die geskiedenis van die reeks dikwels gesterf. Haar eerste dood was onder die dekmantel van Marvel Girl, waarna sy as Phoenix "herbore" is in "The Dark Phoenix Saga". Dié transformasie lei tot haar tweede dood, weens selfmoord, maar nie haar laaste dood nie.
Jean is ook 'n belangrike figuur in die lewe van ander karakters van die Marvel Universe, meestal die X-Men, insluitende haar man, Cyclops, haar mentor en vaderfiguur, Charles Xavier, haar onbeantwoorde liefde, Wolverine, haar beste vriendin en sustersfiguur, Storm, en haar kinders.
Jean Grey is al beskryf as een van Marvel se merkwaardigste en sterkste heldinne.[1][2][3][4]
Verwysings[wysig | wysig bron]
- ↑ Baker-Whitelaw, Gavia (21 September 2017). "The top 30 female superheroes of all time". The Daily Dot (in Engels (VSA)). Besoek op 27 Augustus 2022.
- ↑ June 09, Darren Franich Updated; EDT, 2022 at 12:31 PM. "Let's rank every X-Man ever". EW.com (in Engels). Besoek op 27 Augustus 2022.
- ↑ "Looking For A Role Model? These 195+ Marvel Female Characters Are Truly Heroic". Scary Mommy (in Engels). 29 November 2021. Besoek op 1 November 2022.
- ↑ Garcia, Mayra (7 Maart 2022). "Marvel: The 10 Strongest Female Villains". CBR (in Engels (VSA)). Besoek op 8 Augustus 2022.
Skakels[wysig | wysig bron]
- Jean Grey in die Marvel Database, 'n wiki van Marvel Comics
Hierdie artikel is in sy geheel of gedeeltelik uit die Engelse Wikipedia vertaal.
