Jenga
 | Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Jenga is 'n spel van fisiese vaardigheid wat goeie hand-oogkoördinasie benodig. Dit is oorspronklik deur Leslie Scott geskep en word tans deur Hasbro bemark.
Spelers neem beurte om een blok op 'n slag te verwyder van 'n toring wat van 54 blokke gebou is. Elke blok wat verwyder word, word op die kruin van die toring geplaas, wat dan 'n progressief groter en meer onstabiele struktuur skep..
Die naam jenga is afgelei van kujenga, 'n Swahili-woord wat beteken "om te bou".[1]
Reëls[wysig | wysig bron]
Jenga word gespeel met 54 hout blokke. Elke blok is drie keer langer as die breedte, en een vyfde so dik soos sy lengte van 1.5 cm × 2.5 cm × 7.5 cm. Blokke het klein, ewekansige afwykings in hierdie dimensies, wat bedoel is om die stapelproses te bemoeilik en bykomende uitdagings aan die spel te voorsien.[2]
Om die spel op te stel, word die ingeslote laaiskinkbord gebruik om die aanvanklike toring van agtien vlakke netjies te plaas. Dit word gedoen deur drie blokke met hul lang kante langs mekaar te plaas en op reghoeke met die vorige vlak (byvoorbeeld, as die blokke in die eerste vlak in die lengte noord-suid lê, sal die tweedevlak-blokke dan oos-wes lê).
Sodra die aanvanklike toring gebou is, kry die persoon wat die toring gebou het die eerste skuif. Beweging in Jenga is as volg: Neem slegs een blok van enige vlak (behalwe die een onder die onvolledige boonste vlak) van die toring, en plaas dit op die boonste vlak om dit te voltooi. Slegs een hand mag op 'n slag gebruik word wanneer 'n blok uit die toring verwyder word. Blokke kan "getik" word om uit te vind of daar 'n los blok is wat nie die res van die toring sal versteur nie. Enige blok wat uit sy plek verskuif is, moet teruggeplaas word na sy oorspronklike plek voor die verwydering van 'n ander blok. Die beurt eindig wanneer die volgende persoon om te beweeg die toring aanraak, of na tien sekondes, wat ook al eerste plaasvind.
Die spel eindig wanneer die toring omval, of indien enige stuk van die toring val anders as die stuk wat uitgeklop word om na die top te skuif. Die wenner is die laaste persoon wat suksesvol 'n blok verwyder en bo plaas.
Hoogste toring[wysig | wysig bron]
Die verpakkingskopie van een uitgawe van die Jenga-spel beweer dat Robert Grebler die hoogste Jenga-toring ooit gebou het, tot op 402⁄3 vlakke. Grebler het dit in 1985 vermag, terwyl hy met 'n oorspronklike Jengastel gespeel het wat deur Leslie Scott in die vroeë 1980's vervaardig is.[3]
Verwysings[wysig | wysig bron]
- ↑ "Strong National Museum of Play" (in Engels). Strongmuseum.org. 20 Januarie 2009. Geargiveer vanaf die oorspronklike op 9 Februarie 2009. Besoek op 19 Mei 2010.
- ↑ Mike Danforth & Ian Chillag (14 Augustus 2015). "Sheep, Spiders, and Jenga". How To Do Everything (in Engels). NPR. Geargiveer vanaf die oorspronklike op 29 November 2016. Besoek op 2 Februarie 2016.
- ↑ Marketing copy on inside lid of the 2008 Vintage Game Collection edition of Jenga marketed by Hasbro