Joeri Selenski

Joeri Selenski
Gebore	Joeri Galisjnikof (1922-06-16)16 Junie 1922 Astrachan, Sowjetunie
Sterf	22 Julie 1983 (op 61) Astrachan, Sowjetunie
Beroep	Skrywer, joernalis

Joeri Selenski (Russies: Юрий Селенский, 1922 – 1983) was 'n Sowjetse Russiese skrywer en joernalis wat fiksieboeke oor sy tuisdorp, Astrachan, geskryf het.

Biografie

Selenski is gebore in die familie van Wasili Gaslisjnikof en Aleksandra Boedarina wat uit Woronezj-oblast na Astrachan verhuis het. Sy oorspronklike van was Galisjnikof, maar hy het onder die skuilnaam Joeri Selenski gepubliseer. Hierdie van kom van sy tuisbuurt se naam, Selenije.

Hy het in die Tweede Wêreldoorlog in die Rooi Leër gedien. Ná demobilisasie het hy na Astrachan teruggekeer en 'n joernalis by die plaaslike radiostasie geword. Later het hy ook vir die gebied se hoofkoerant, Wolga, geskryf.

Boeke

Selenski se bekendste boek is Не расти у дороги (Ne rasti u dorogi, letterlik "Moenie naby die pad groei nie"), 'n outobiografiese beskrywing van sy kinderjare in Astrachan.