John Travolta

in Wikipedia, die vrye ensiklopedie
John Travolta
'n Beeld van die betrokke persoonlikheid.
John Travolta tydens die Cannes-rolprentfees in 2018

Geboortenaam John Joseph Travolta
Geboorte 18 Februarie 1954 (1954-02-18) (70 jaar oud)
Englewood, New Jersey, VSA
Nasionaliteit Amerikaans
Lewensmaat Kelly Preston (∞ September 1991, † 12 Julie 2020)
Kinders Jett (1992–2009), Ella (2000), Benjamin (2010)
Beroep(e) Akteur
Aktiewe jare 1969 tot hede

John Joseph Travolta (gebore op 18 Februarie 1954)[1][2] is ’n Amerikaanse akteur, danser en sanger.

Loopbaan[wysig | wysig bron]

Hy het in die 1970's bekend geraak nadat hy in die televisiereeks Welcome Back, Kotter (1975–1979) verskyn en in die lokettreffers Saturday Night Fever (1977) en Grease (1978) gespeel het. Sy loopbaan het in die 1980's ’n agteruitgang beleef, maar hy het in die 1990's ’n terugkeer gemaak in Pulp Fiction (1994) en Face/Off (1997). Hy was sedertdien ook in Swordfish (2001), Wild Hogs en Hairspray (albei 2007).

Travolta is vir ’n Oscar vir beste akteur benoem vir Saturday Night Fever en Pulp Fiction. Hy het die Golden Globe gewen vir sy spel in Get Shorty. In 2014 het hy die IIFA-prys vir uitnemende prestasie in die internasionale rolprentwese ontvang.[3]

Verwysings[wysig | wysig bron]

  1. "John Travolta Biography (1954–)" (in Engels). FilmReference.com. Geargiveer vanaf die oorspronklike op 22 April 2020. Besoek op 26 Augustus 2009.
  2. "Monitor". Entertainment Weekly (in Engels). No. 1247. 22 Februarie 2013. p. 32. Geargiveer vanaf die oorspronklike op 30 April 2020.
  3. "IIFA 2014: John Travolta, Kevin Spacey star in 'Bollywood Oscars' – NDTV". Geargiveer vanaf die oorspronklike op 16 Oktober 2015. Besoek op 17 Februarie 2016.

Eksterne skakels[wysig | wysig bron]