Königrufen

in Wikipedia, die vrye ensiklopedie
Jump to navigation Jump to search

Königrufen of Königsrufen (Duits: "Roep die Koning"[1]) is 'n vier-speler, toertjie- of truuk-nemende kaartspeletjie van die Tarotkaarte familie wat in Oostenryk en Suid-Tirool gespeel word. Soos met ander streeksgebonde tarot-kaartspeletjies van die Tarotkaart familie, word dit gewoonlik Tarock genoem (die Duitse term vir tarot kaartspeletjies) deur die spelers daarvan. Dit is die enigste weergawe van Tarock wat oor die hele Oostenryk gespeel word [2] en in 2011 was dit die gewildste kaartspel in Oostenryk, na Schnapsen en Rommé.[3] Teen 2015 het dit "die gunsteling kaartspel van Oostenrykers" geword. [4] Dit is al beskryf as die interessantste tarot kaartspeletjie vir vier spelers, [5] die "Spel van Konings", 'n speletjie wat intelligensie benodig en as goeie "oefening vir die brein". [6]

In vergelyking met ander kaartspeletjies mag Königrufen gespeel word met 'n wye reeks moontlike kontrakte. Die naam van die spel kom van die praktyk in die mees basiese van kontrakte om 'n spesifieke Koning te noem ten einde 'n speelvennoot te kies, bekend as "die roep van 'n Koning". In die meeste kontrakte vorm die vier spelers twee groepe - òf twee teen twee òf een teen drie - wat kompeteer om die meerderheid van die kaartpunte te verdien. Volgens die reëls beskik die 54 kaarte oor 'n totale waarde van sewentig punte.

Alhoewel die basiese reëls van Oostenrykse Königrufen soortgelyk is, het die kontrak aankondigings en bonusse en hul waardes 'n groot aantal variasies. Baie privaatgroepe speel volgens hul eie huisreëls. Bykomend hiertoe het meer wydaanvaarde reëls bygekom, alhoewel dit wesenlik verskil van streek tot streek. Dit maak Königrufen die mees gevarieerde van al die Tarockspeletjies.[7] Gereeld toernooireeks word al sedert die 1990's gehou en sedert 2008 het 'n jaarlikse Oostenrykse finaal plaasgevind.[8]

Notas[wysig | wysig bron]

Hierdie artikel is in sy geheel of gedeeltelik vanuit die Engelse Wikipedia vertaal.

Verwysings[wysig | wysig bron]

  1. Dummett, Twelve Tarot Games, bl. 9
  2. Vácha (2007), bl. 25
  3. Mayr and Sedlaczek (2001), bl. 7
  4. Tarock von A bis Z at kurier.at. Opgespoor op 26 Julie 2018
  5. Bamberger (2001), bl. 60
  6. Königrufen: Tarock spielen wieder populär at salzburg.orf.at. Retrieved 26 Julie 2018
  7. Dummett and McLeod (2004), Volume 2, bl. 576
  8. Das Tarock-Österreich-Fianle by tarockoesterreich.jimdo.com. 12 Julie 2018