KWV

in Wikipedia, die vrye ensiklopedie
Jump to navigation Jump to search
KWV
KWV Pty LTD South Africa Logo.jpg
Tipe Privaat maatskappy
Gestig 8 Januarie 1918; 103 jaar gelede (1918-01-08)
StigterDr. Charles Kohler
Hoofkantoor Paarl, Suid-Afrika
SleutelpersoneBoyce Lloyd
(hoof- uitvoerende beampte)
Thys du Toit (voorsitter)
Webwerfkwv.co.za

KWV, wat in 1918 gestig is as die Ko-operatiewe Wijnbouwers Vereniging van Zuid-Afrika,[1] is een van die vooraanstaande vervaardigers van wyn en sterk drank in Suid-Afrika.[2] Sy handelsmerke sluit in Roodeberg, Laborie en KWV-wyn en -brandewyn.[3] Sy hoofkwartier is in die Paarl, Wes-Kaap. KWV Beperk se naam is ná die maatskappy se ontbondeling in 2009 verander na KWV Beherend Beperk,[1][4] terwyl KWV Beleggings nou bekend is as Capevin Beleggings.[5]

Geskiedenis[wysig | wysig bron]

Die ingang na La Concorde, KWV se ou hoofkwartier in die Paarl.

KWV is op 8 Januarie 1918 gestig as ’n wynmakerskoöperasie van die Wes-Kaap, Suid-Afrika, met dr. Charles Kohler as voorsitter.[6] Dit is ’n internasionale brandewyn- en wynhandelsmerk wat ’n wye verskeidenheid produkte vervaardig.[7]

Die doel van KWV was om eenheid onder die wynboere van Suid-Afrika te bewerkstellig en om die deurlopende verbetering in die gehalte van Suid-Afrikaanse wyn en brandewyn te verseker. Van die vroeë 1920's af het die liggaam toenemende wetgewende beheer oor die vervaardiging, verkoop en uitvoer van Suid-Afrika se wyn en sterk drank gehad,[8] wat die koöperasie in staat gestel het om met innoverings in die bedryf te eksperimenteer, en dit het hom help ontwikkel. KWV het ook in ’n groot mate belê in die plaaslike en oorsese bemarking van Suid-Afrikaanse wyn en brandewyn.

Sy wetgewende beheer is beëindig aan die einde van apartheid in 1990 en met die daaropvolgende nuwe regering, en het in 1997 van ’n koöperasie in ’n maatskappy verander.[9]

In 2004 het KWV die Suid-Afrikaanse wynbedryf se grootste ooreenkoms rakende breed gebaseerde swart ekonomiese bemagtiging (BGSEB) met Phetogo (Pty) Ltd aangegaan en 25,1% van sy aandele bekom. Vir die eerste keer is KWV se wyne en brandewyne onder sy naam plaaslik verkoop nadat dit voorheen net aan internasionale verbruikers beskikbaar was.[9] In 2010 het KWV ’n filiaalmaatskappy van Niveus Investments, deel van die HCI-swartbemagtigingsbeleggingsgroep, gestig en was dit die enigste Suid-Afrikaanse vervaardiger wat gelys is op Drinks International se "Most Admired Wine Brands Global register".[10]

In Oktober 2016 is ’n deel van KWV verkoop aan die Vasarigroep onder leiding van Vivian Imerman. Vasari is in Londen gebaseer en is ’n verbruikersgefokusde beleggingsgroep wat die bedryfsbates van KWV vir R1,15 miljard bekom het. KWV se brandewyne wen gereeld internasionale pryse.

Verwysings[wysig | wysig bron]

  1. 1,0 1,1 "KWV: Our History". KWV Pty LTD South Africa. Besoek op 27 Januarie 2021.
  2. Van Zyl, D (1999). They Shaped our Century: The Most Influential South Africans of the Twentieth Century. Suid-Afrika: Human en Rousseau. pp. 399–403.
  3. "KWV Corporate site". KWV Pty LTD South Africa. Besoek op 27 Januarie 2021.
  4. "KWV Holdings Ltd". bloomberg.com/. Bloomberg. Besoek op 27 Januarie 2021.
  5. "KWV nou Capevin". Landbouweekblad. Netwerk24. Besoek op 27 Januarie 2021.
  6. Van Zyl, D.J. (1993). KWV: 1918-1993. South Africa: Human and Rousseau. p. 17.
  7. "About Us". www.kwv.co.za. Besoek op 27 Januarie 2021.
  8. Van Zyl, D.J. (1993). KWV: 1918-1993. South Africa: Human and Rousseau. p. 26.
  9. 9,0 9,1 "History". www.kwv.co.za. Besoek op 10 Desember 2013.
  10. "World's Most Admired Wine Brands" (PDF). drinksint.com/. Drinks International. Besoek op 10 Desember 2013.

Skakels[wysig | wysig bron]