Kafeeterras in die aand

in Wikipedia, die vrye ensiklopedie
Spring na: navigasie, soek
Vincent Willem van Gogh 015.jpg
Kafeeterras in die aand
Vincent van Gogh, 1888
Olie op doek, 81 × 65.5 cm
Kröller-Müller Museum

Kafeeterras in die aand , ook bekend as Die Kafeeterras by die Place du Forum, is 'n skildery deur die Nederlandse skilder Vincent van Gogh wat hy in September 1888 in Arles, Frankryk geskilder het. Van Gogh het olieverf op doek gebruik en die skildery is 81 × 65.5 cm (32" × 26"). Die skildery is tans in die Kröller-Müller Museum in Otterlo, Nederland.

Kafeeterras in Oktober 2003

In die skildery druk Van Gogh sy nuwe indrukke van die suide van Frankryk uit en die skildery beeld 'n kaffee in Arles, toe Café Terrace, en nou genaamd Café van Gogh, uit. Die styl van die skildery is uniek vir Van Gogh met die warm kleure en die diepte van die perspektief.

Van Gogh het in 'n brief aan sy suster [1] geskryf nadat hy die skildery voltooi het waarin hy sy entoesiasme daaroor uitspreek:

Ek is slegs onderbreek deur my werk aan 'n nuwe skildery wat die buitekant van 'n nagkafee uitbeeld. Op die terras is daar klein figure van mense wat drankies drink. 'n Reuse geel lantern verlig die terras, die fasade, die sypaadjie en werp selfs lig op die plaveistene van die pad wat 'n pienkerige violet kleur aanneem. Die gewels van die huise, soos 'n pad wat onder 'n blou hemel gespikkel met sterre verbleik, is donker blou of violet met 'n groen boom. Hier het jy nagskilder sonder swart, met niks anders as pragtige blou en violet en groen en die verligte omgewing kleur die kleure self swael bleekgeel en sitroengroen. Dit amuseer my geweldig om die nag net daar te verf. Normaalweg teken en verf mens die skildery gedurende die dag na die skets. Maar ek hou daarvan om die ding onmiddellik te verf.
Dit is waar dat in die donker ek 'n blou vir 'n groen kan aansien, 'n blou lila vir 'n pink lila, aangesien dit moeilik is om die kwaliteit van die skakering te onderskei. Maar dit is die enigste manier om weg te kom van ons konvensionele nag met swak bleekwit lig, terwyl selfs 'n eenvoudige kers reeds aan ons die rykste geel'e en oranje's verskaf.

Dit is die eerste skildery waarin hy 'n sterreagtergrond gebruik het. Hy het voortgegaan om ster gevulde hemels te skilder in Sterrenag oor die Rhône, wat in dieselfde maand geskilder is, en die meer bekende Sterrenag 'n jaar later. Ook in Portret van Eugene Boch het Van Gogh 'n sterlig agtergrond geskilder.

Verwysings[wysig]

  1. Brief (in Frans) (Engelse vertaling) van Vincent van Gogh na Wilhelmina van Gogh, Arles, 9 en 16 September 1888. Besoek op 1 Mei 2006.

Eksterne skakels[wysig]

  • Die Vincent van Gogh Gallery inskrywing oor Kafeeterras in die aand.