Katapult

in Wikipedia, die vrye ensiklopedie
Spring na: navigasie, soek
'n Outydse katapult.
'n Boeing ScanEagle, 'n voorbeeld van 'n moderne toepassing van die katapult.

Die katapult kan beskou word as 'n reuseweergawe van die kettie, of voëlrek. Dit is een van die oudste meganiese oorlogswapens bekend, waarmee groot klippe of ander voorwerpe bo-oor fortmure na die vyand geslinger is. Dit is ook later in oorlogvoering gebruik om granate en bomme na die vyand te slinger. 'n Moderne voorbeeld van 'n katapult is op vliegdekskepe, waar dit gebruik word om vliegtuie teen 'n hoë snelheid vanaf die vliegdek te lanseer.

Geskiedenis[wysig | wysig bron]

Die katapult is in die 5de eeu v.C. in Antieke Griekeland of Magna Graecia uitgevind. Katapulte is vanaf die 12de eeu in China en vanaf die 14de eeu in Europa toenemend deur vuurwapens vervang. Sedert die 16de eeu het kanonne en mortiere die katapult geheel en al as artilleriewapen verplaas. Pneumatiese en stoomkatapulte word soms nog gebruik om vliegtuie te lanseer.