Kenneth Branagh

in Wikipedia, die vrye ensiklopedie
Jump to navigation Jump to search
Sir Kenneth Branagh
'n Beeld van die betrokke persoonlikheid.
Branagh op ’n nuuskonferensie vir Thor.

Geboortenaam Kenneth Charles Branagh
Geboorte 10 Desember 1960 (1960-12-10) (58 jaar oud)
Aktiewe jare 1981-tans

Sir Kenneth Charles Branagh (gebore op 10 Desember 1960)[1] is ’n Noord-Ierse akteur, regisseur, vervaardiger en draaiboekskrywer. Hy is veral bekend vir sy rolprentweergawes van Shakespeare-dramas soos Much Ado About Nothing, Hamlet en Henry V. Hy was ook in Harry Potter and the Chamber of Secrets te sien.[2]

Loopbaan[wysig | wysig bron]

Branagh is op 10 Desember 1960 in Belfast gebore. Hy het sy debuut as akteur in Noord-Ierland gemaak in die BBC se Play for Today-trilogie wat in sy geboorteland afspeel. Hy het in die res van Brittanje bekend geraak vir sy verhoogoptredes; in 1982 het hy die Laurence Olivier-prys vir die beste nuweling gewen vir sy rol as Judd in die toneelstuk Another Country.

Hy het al verskeie toneelstukke van Shakespeare geregisseer en/of daarin gespeel, soos Henry V (1989) (waarvoor hy vir ’n Oscar vir beste akteur en beste regisseur benoem is), Much Ado About Nothing (1993), Othello (1995), Hamlet (1996) (Oscar-benoeming vir beste aangepaste draaiboek), Love's Labour's Lost (2000) en As You Like It (2006).

Hy het ook in talle ander rolprente en televisiereekse verskyn, onder meer Fortunes of War (1987), Woody Allen se Celebrity (1998), Wild Wild West (1999), The Road to El Dorado (2000), Conspiracy (2001), Harry Potter and the Chamber of Secrets (2002), Warm Springs (2005), Valkyrie (2008), The Boat That Rocked (2009) en My Week with Marilyn (2011) as sir Laurence Olivier (Oscar-benoeming vir beste manlike byspeler).

Hy was die regisseur van sulke noemenswaardige prente soos Dead Again (1991), waarin hy ook speel, Swan Song (1992, Oscar-benoeming vir beste kortprent), Frankenstein (1994), waarin hy ook speel, The Magic Flute (2006), Sleuth (2007), die treffer-superheldfliek Thor, die aksieriller Jack Ryan: Shadow Recruit (2014), waarin hy ook speel, en Cinderella (2015).

Branagh is benoem vir vyf Oscars en vyf Golden Globes. Hy het ook ’n Emmy en drie Baftas gewen. Hy is in 2012 tot ridder geslaan.[3]

Filmografie[wysig | wysig bron]

Akteur (seleksie)[wysig | wysig bron]

  • Fortunes of War (televisiefilm, 1987)
  • A Month in the Country (1988)
  • Henry V (1989)
  • Dead Again (1991)
  • Peter's Friends (1992)
  • Much Ado About Nothing (1993)
  • Mary Shelley's Frankenstein (1994)
  • Othello (1995)
  • Hamlet (1996)
  • The Theory of Flight (1998)
  • Celebrity (1998)
  • Wild Wild West (1999)
  • The Road to El Dorado (2000) (stem)
  • Love's Labour's Lost (2000)
  • Conspiracy (televisiefilm, 2001)
  • Harry Potter and The Chamber of Secrets (2002)
  • Rabbit-Proof Fence (2002)
  • Warm Springs (televisiefilm, 2005)
  • Sleuth (2007, kameo-rol)
  • Wallander (2008–2012) Nege Engelse aflewerings:
    • Sidetracked (10 Desember 2008)
    • Firewall (7 Desember 2008)
    • One Step Behind (14 Desember 2008)
    • Faceless Killers (3 Januarie 2010)
    • The Man Who Smiled (10 Januarie 2010)
    • The Fifth Woman (17 Januarie 2010)
    • An Event in Autumn (8 Julie 2012)
    • The Dogs of Riga (15 Julie 2012)
    • Before the Frost (22 Julie 2012)
  • Valkyrie (2008)
  • The Boat That Rocked (2009)
  • My Week with Marilyn (2011)
  • Jack Ryan: Shadow Recruit (2014)

Regisseur[wysig | wysig bron]

  • Henry V (1989)
  • Dead Again (1991)
  • Peter's Friends (1992)
  • Much Ado About Nothing (1993, gebaseer op die gelyknamige komedie van Shakespeare uit ongeveer 1600)
  • Mary Shelley's Frankenstein (1994)
  • In the Bleak Midwinter (1995)
  • Hamlet (1996, gebaseer op die drama van Shakespeare uit ongeveer 1600)
  • Love's Labour's Lost (2000, gebaseer op die gelyknamige stuk van Shakespeare uit ongeveer 1590)
  • Listening (2003)
  • As You Like It (2006, gebaseer op die gelyknamige stuk van Shakespeare uit ongeveer 1599)
  • The Magic Flute (2006, gebaseer op Mozart se Die Zauberflöte)
  • Sleuth (2007, 'n oormaak van Sleuth deur Joseph L. Mankiewicz uit 1972)
  • Thor (2011)
  • Cinderella (2015)

Verwysings[wysig | wysig bron]

  1. (14 Desember 2012) “Monitor”. Entertainment Weekly (1237).
  2. HAT Taal-en-feitegids, Pearson, Desember 2013, ISBN 978-1-77578-243-8
  3. "Birthday Honours: Branagh, Winslet and royal designer Burton on list". BBC News. BBC. 16 Junie 2012. Besoek op 16 Junie 2012.