Gaan na inhoud

Klawers (speelkaarte)

in Wikipedia, die vrye ensiklopedie
Die klawersimbool.
Klawerhere.

Klawers ♣ is een van die vier kleure, of stelle, speelkaarte in 'n Franse pak. Dit stem ooreen met die stel akkers in 'n Duitse pak kaarte.[1]

Die oorspronklike Franse naam is Trèfle, wat "klawer" beteken, en die kaartsimbool is 'n klawer met drie blare. Die Italiaanse naam is Fiori ("blom"). Die Engelse naam, Clubs, is afgelei van die stel Bastoni ("knuppels") in Spaanse kaarte.

In Duitsland is dié stel bekend as Kreuz ("kruis"), veral in die internasionale skatregulasies. In Oostenryk is dit weer feitlik uitsluitlik as Treff bekend, wat 'n verwysing na die Franse naam is, veral in brug waar Franse name gewoonlik oorheers. So word hartens Cœur genoem in plaas van Herz.

Eienskappe[wysig | wysig bron]

Die simbool vir dié stel is 'n baie gestileerde klawer met drie blare en 'n stingel wat na onder wys. Klawers is gewoonlik swart, maar kan ook groen wees, soos in 'n brugpak (waar dit saam met ruitens een van die minder belangrike kleure is.

Hier onder is die klawers van 'n Franse standaardpak van 52 kaarte (die klawerridder wat in tarotkaartspeletjies gebruik word, word nie vertoon nie):

Vierkleurpakke[wysig | wysig bron]

Die vier ase van 'n vierkleurpak. Klawers is hier groen.

Vierkleurpakke word soms in toernooie of aanlyn gebruik.[2] In vierkleurpakke kan klawers so lyk:

  • groen ♣ in Amerikaanse brug en poker,[3] Engelse poker en Franse en Switserse vierkleurpakke[4]
  • swart ♣ in Duitse skatpakke[4]
  • blou   ♣ in Engelse brug- en sommige Amerikaanse pakke of
  • pienk ♣ in sommige vierkleurpakke.

Unicode[wysig | wysig bron]

In Unicode kom 'n swart simbool ♣ en wit simbool ♧ voor.

Verwysings[wysig | wysig bron]

  1. Parlett, David (2008). The Penguin book of card games. Londen: Penguin. ISBN 978-0-141-03787-5.
  2. Allan, Elkan; Mackay, Hannah (2007). The poker encyclopedia. Londen: Portico. ISBN 978-1906-03209-8.
  3. Four-Color Deck by pokernews.com. Besoek op 4 Augustus 2020.
  4. 4,0 4,1 Gallery 3 - Sizes, Shapes and Colours by a_pollett.tripod.com. Retrieved 4 Aug 2020.

Skakels[wysig | wysig bron]