Klein-Koerile

in Wikipedia, die vrye ensiklopedie
Jump to navigation Jump to search
Die ligging van die Klein-Koerile (in rooi links onder).
Koenasjir, met die Klein-Koerile daaronder. Sjikotan is heel regs.

Die Klein-Koerile (Russies: Малая Курильская гряда, Malaja Koerilskaja grjada) is 'n groep eilande in die Stille Oseaan en deel van die Koerile-argipel.[1] Dit sluit Sjikotan, Habomai en verskeie eilande naby Sjikotan in.

Die Klein-Koerile is deel van die Joezjno-Koerilski-distrik van Sachalin-oblast in Rusland. Die Japannese regering beweer dié eilande is nie deel van die Koerile nie, maar van Hokkaido, en maak dus aanspraak daarop.[2][3].

Geografie[wysig | wysig bron]

Die Klein-Koerile lê naby die suidwestelike punt van die Groot-Koerile en word daarvan geskei deur die Straat van die Suid-Koerile. Die hoogste punt is 412 m (op Sjikotan) en dit is altesaam 100 km lank. Die totale oppervlakte is 360,85 km2.

Die klein ketting sluit ses groot en verskeie klein eilande in. Die eilande en die buureiland Koenasjir word deur BirdLife International erken as belangrike voëlstreke vanweë bevolkings van verskeie bedreigde voëlspesies, insluitende baie water-, see- en waadvoëls.[4]

Die oppervlak van die eilande is meestal plat of effens heuwelagtig. Spar- en ander woude, sowel as struikgewasse is wydverspreid op Sjikotan. Op die ander eilande kom geen woude voor nie. Die maksimum hoogte is 405 m (Sjikotan-stad). Te oordeel na die waarneming van die broeitydperk van sommige knaagdiere, wat tot November hier duur, is die klimaat op die eilande van die Klein-Koerile selfs matiger as op Koenasjir.[5]

Eilande[wysig | wysig bron]

Naam Oppervlakte,
km2
Hoogste punt, m Breedtegraad Lengtegraad Foto
Klein-Koerile
Sjikotan 264,13 412 43°48' 146°45' Shikotan, Lesser Kuril Chain, Sentinel-2 satellite image, 2016-06-06.jpg
Griga 1,26 70 43°45′ 146°47′ Grieg Island near Kunashir Island, Lesser Kuril Chain, Sentinel-2 satellite image, 2016-06-06.jpg
Aiwazofski 0,79 58,8 43°44′ 146°42′ Aivazovsky Island, Lesser Kuril Chain, Sentinel-2 satellite image, 2016-06-06.jpg
Polonski 11,57 16 43°38' 146°19' Polonsky Island, Lesser Kuril Chain, Sentinel-2 satellite image, 2016-06-06.jpg
Oskolki 0,2 38 43°35' 146°25' Oskolki Isles, Lesser Kuril Chain, Sentinel-2 satellite image, 2016-06-06.jpg
Zeljoni 58,72 24 43°30' 146°08' Zelyony Island, Lesser Kuril Chain, Sentinel-2 satellite image, 2016-06-06.jpg
Tanfiljef 12,92 15 43°26' 145°55' Tanfilyev Island, Lesser Kuril Chain, Sentinel-2 satellite image, 2016-06-06.jpg
Joeri 10,32 44 43°25' 146°04' Yury Island, Lesser Kuril Chain, Sentinel-2 satellite image, 2016-06-06.jpg
Djomin-eilande 0,7 34 43°25' 146°10' Dyomina Isles, Lesser Kuril Chain, Sentinel-2 satellite image, 2016-06-06.jpg
Storozjewoi 0,07 9,0 43°23′ 145°29′ Storozhevoi Island, Lesser Kuril Chain, Sentinel-2 satellite image, 2016-06-06.jpg
Anoetsjin 2,35 33 43°22' 146°00' Anuchin Island, Lesser Kuril Chain, Sentinel-2 satellite image, 2016-06-06.jpg

Verwysings[wysig | wysig bron]

  1. "GSE Kurile Islands Sand Lake (Kunashir Island) Fish processing base (Shikotan island) Kurilskie Ostrova". slovari.yandex.ru. Geargiveer vanaf die oorspronklike op 2013-04-24. Besoek op 2020-02-26.
  2. Northern Territories Issue
  3. (ru) Управление по вопросам Северных территорий общего департамента губернаторства Хоккайдо
  4. "Lesser Kuril Ridge and Kunashir Island". BirdLife Data Zone. BirdLife International. 2021. Besoek op 7 Februarie 2021.
  5. (ru) "Мелкие млекопитающие южных курильских островов". Geargiveer vanaf die oorspronklike op 2017-03-10. // DisCollection.ru

Skakels[wysig | wysig bron]