Knysnabrande

in Wikipedia, die vrye ensiklopedie
Jump to navigation Jump to search
'n Skermgreep van videomateriaal wat op 7 Junie 2017 van die Knysnabrand naby Phantompas geneem is.

Die Knysnabrande was 'n reeks brande wat vroeg in Junie 2017 in bebosde dele van die suidelike Wes- en Oos-Kaap gewoed het, en ekstensiewe verliese meegebring het voordat dit uitgewoed of onder bedwang gebring kon word. Volgens 'n verslag van die WNNR het dit ontstaan nadat stormwind 'n smeulende bos opnuut laat opvlam het. Die brand het 'n duisend huise verwoes en die lewens van 7 mense geëis, waaronder twee mense wat besig was om die brand te bestry. Daar word beweer dat verdigting van uitheemse indringerplante bygedra het tot die omvang van die ramp. Dit was na bewering die grootste brand in Suid-Afrika sedert 1869,[1] en het met die ergste plaaslike droogte in 'n eeu saamgeval.[2]

Volgens Phillip Frost van die WNNR is die bos te Elandskraal naby Karatara reeds op 22 Maart deur weerlig getref, en die brand het dan waarskynlik ondergronds in boomwortels gesmeul.[2] Op 6 en 7 Junie het stormwinde van 120 km/h oor die Kaapse skierleiland, en bergwinde van 50 km/h oor die suid-Kaap gewaai. Dit het dadelik tussen 20 en 30 omvangryke brande in die omstreke van Knysna aangeblaas.[3] Sewe mense het in die vlamme gesterf,[4] sowat 10,000 moes skuiling soek teen die vuur,[5][6] en om en by 600 strukture het in die omgewing van Knysna en Plettenbergbaai in die slag gebly.[4] Bykans 20 000 hektaar is in puin gelê,[1] en skenkings het van regoor die land ingestroom om hulpbehoewendes by te staan.[7]

Die brande is gekenmerk deur die grootste ontplooiing van brandbestryders tot nog toe in Suid-Afrika. Altesaam 985 brandbestryders, 78 voertuie, tien helikopters, en twee vastevlerkvliegtuie is tussen 6 en 10 Junie 2017 aangewend om die brand onder bedwang te bring.[4] Daar word vermoed dat die brande skade van tussen R4 miljard en R5 miljard aan privaateiendom aangerig het, benewens 'n bykomende R136 miljoen se skade aan publieke infrastruktuur.[4] Versekeringsuitbetalings het meer as R2 miljard beloop.[1]

'n Nie-amptelike vermoede het aanvanklik bestaan dat sommige van die brande deur brandstigters veroorsaak is.[8]

Verwysings[wysig | wysig bron]

  1. 1,0 1,1 1,2 "Knysna fires cost R3bn: report". eNCA (in Engels). 8 Junie 2019. Geargiveer vanaf die oorspronklike op 17 April 2020. Besoek op 8 Junie 2019.
  2. 2,0 2,1 van Zyl, Diak Mac (1 Julie 2018). "CSIR pinpoints cause of devastating Knysna fires". Die Hervormer (in Engels). Geargiveer vanaf die oorspronklike op 21 Oktober 2019. Besoek op 8 Junie 2019.
  3. Koyana, Xolani (7 Junie 2017). "Storm winds fan Knysna fire, residents evacuated". EWN (in Engels). Geargiveer vanaf die oorspronklike op 30 Desember 2018. Besoek op 12 Junie 2017.
  4. 4,0 4,1 4,2 4,3 de Villiers, James (20 Junie 2017). "Knysna fire led to largest deployment of firefighting resources in SA history - authorities". News24 (in Engels). Geargiveer vanaf die oorspronklike op 31 Desember 2018. Besoek op 22 Junie 2017.
  5. Ndlovu, Ray (8 Junie 2017). "Insurers expect claims to rise on Cape storm and fires". Business Day (in Engels). Geargiveer vanaf die oorspronklike op 28 September 2018. Besoek op 12 Junie 2017.
  6. de Villiers, James (11 Junie 2017). "#KnysnaFire: death toll rises". News24 (in Engels). Geargiveer vanaf die oorspronklike op 8 Januarie 2019. Besoek op 12 Junie 2017.
  7. van Zyl, Diak Mac (Augustus 2017). "Die Knysnabrande". Die Hervormer. Besoek op 2019-06-08.
  8. Child, Katharine. "Are Knysna fires the result of arson?". www.timeslive.co.za (in Engels). Geargiveer vanaf die oorspronklike op 12 April 2018. Besoek op 7 Julie 2017.