Koningin Máxima van die Nederlande

Koningin Máxima in 2015

Máxima (gebore Máxima Zorreguieta Cerruti; 17 Mei 1971) is die koningin van Nederland as die eggenote van koning Willem-Alexander. Sy is Argentyns van geboorte en het in bemarking gewerk toe sy Willem-Alexander, oudste seun en erfgenaam van koningin Beatrix, in 1999 ontmoet het. Hulle is in 2002 getroud en het koning en koningin geword met die abdikasie van haar skoonma in 2013. As prinses en as koningin het Máxima sosiale integrasie van immigrante, LGBT-regte en finansiële insluiting bevorder. Sy en Willem-Alexander het drie dogters, prinsesse Catharina-Amalia, Alexia en Ariane, wat onderskeidelik eerste, tweede en derde in die lyn as troonopvolger is.

Máxima en Willem-Alexander, 2001

Die koninklike troue, Februarie 2002

Willem-Alexander, Máxima en hul dogters op die balkon van die Koninklike Paleis, ná die abdikasie van koningin Beatrix in 2013