Kootjie Snyman

in Wikipedia, die vrye ensiklopedie
Jump to navigation Jump to search
Generaal Kootjie Snyman

Boeregeneraal Jacobus Philippus (Kootjie) Snyman (29 Januarie 1838 – 19 Desember 1925) word beskou as die swakste generaal van die Anglo-Boereoorlog.

In die oorlog was hy aanvanklik kommandant van die Zeerust-kommando, en later generaal van die Rustenburgse en Marico-burgers. By die Beleg van Mafeking was hy onder bevel van generaal Piet Cronje, maar is met voorgenoemde se vertrek op 18 November 1899 in bevel oor die beleg gestel.[1] Snyman kon egter geen welslae behaal nie. Weens sy besluiteloosheid en swak toepassing van dissipline, is baie van sy manskappe doodgeskiet, gewond of gevange geneem.

Na die Slag van Diamond Hill digby Pretoria, is hy weens growwe pligsversuim van sy rang onthef, en is vir lafhartigheid op die slagveld tot tronkstraf gevonnis.[1] Ná die val van Pretoria is hy deur die Britte vrygelaat en het die res van die oorlog op sy plaas deurgebring.[2]

Hy is op ouderdom 87 te Doornhoek, Marico, oorlede.[1]

Verwysings[wysig | wysig bron]

  1. 1,0 1,1 1,2 Danie van Vuuren (Augustus 2015), General – Jacobus Philippus (Kootjie) Snyman, Boer and Brit, Our last Southern African Heritage
  2. Generaal J.P. (Kootjie) Snyman. Swakste Generaal.