Koringland met Kraaie
 | Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
_-_Wheat_Field_with_Crows_(1890).jpg)
|
| Koringland met Kraaie |
| Vincent van Gogh, 1890 |
| olie op doek, × cm |
| Van Gogh-museum in Amsterdam |
Koringland met Kraaie is in Julie 1890 geskilder - Van Gogh het geskryf hy het drie skilderye van groot koringlande onder 'n onrustige hemel gemaak. Daar word algemeen en verkeerdelik geglo dat dit Van Gogh se laaste skildery was, of selfs dat hy homself geskiet het terwyl hy dit geskilder het. Daar is egter geen bewyse daarvoor nie. Volgens dr. Jan Hulsker se chronologie het hy nog sewe werke na hierdie een geskilder.
Daar word algemeen saamgestem dat Van Gogh op die aand van 27 Julie 1890 vir 'n wandeling in die koringlande gegaan het waartydens hy homself met 'n rewolwer geskiet en toe huis toe gegaan het. Hy was daarna twee dae lank bedlêend voordat hy met sy broer Theo aan sy sy gesterf het.
'n Algemene vertolking van die skildery is dat dit Van Gogh se ongeruste gemoedstoestand weerspieël met 'n donker, onheilspellende hemel, die besluiteloosheid van drie paaie wat in verskillende rigtings loop en die swart kraaie bo die toneel as voorbodes of selfs tekens van die dood.
Die skildery hang tans in die Van Gogh-museum in Amsterdam.
Kyk ook
[wysig | wysig bron]Verwysings
[wysig | wysig bron]- Ingo F. Walther and Rainer Metzger, Van Gogh: the Complete Paintings, 1997, Benedikt Taschen ISBN 3-8228-8265-8
Eksterne skakels
[wysig | wysig bron]- Een weergawe van 'n chronologiese lys van Van Gogh se laaste skilderye in die Van Gogh-galery
- Het Van Gogh Museum, Amsterdam
Normdata  |
|
|---|