Kronberg-kasteel
Burg Kronberg
in Kronberg im Taunus
Hesse 
Duitsland
Ontstaantyd
Omstreeks 1220 tot 1230
Tipe
Rotskasteel
Gebou se toestand
Volledig of grotendeels bewaar
Maatskaplike status
Vrye adellikes
Hoogte
400 m bo seevlak
Webtuiste
www.burgkronberg.de
Die Kronberg-kasteel (Duits: Burg Kronberg) is 'n rotskasteel uit die hoë Middeleeue in Kronberg im Taunus, 'n stad in die distrik Hochtaunuskreis van die Duitse deelstaat Hesse.
Die kasteelterrein is op 'n rotsplato bo die historiese middestad van Kronberg geleë en beslaan 'n totale oppervlakte van 18 000 vierkante meter, met geboue wat tussen die 12de en 19de eeu ontstaan het. Die Here van Kronberg, 'n familie van vrye adellikes, het in hul manlike linie reeds in 1704 uitgesterf. Die kasteel word tans deur twee liggame bestuur, die Stiftung Burg Kronberg im Taunus en die Burgverein Kronberg e.V.
Die geskiedenis van die kasteel word in die plaaslike museum behandel. In die kasteel word gereeld konserte, markdae, referate en uitstallings gehou.