Kurnell

in Wikipedia, die vrye ensiklopedie
Kurnell
Voorstad
Kurnell se sandsteen rotshange met 'n uitsig oor die Stille Oseaan
Kurnell se sandsteen rotshange met 'n uitsig oor die Stille Oseaan
Kurnell is in Nieu-Suid-Wallis
Kurnell
Kurnell
Ligging van Kurnell in Nieu-Suid-Wallis
Koördinate: 34°00′42″S 151°12′25″O / 34.01167°S 151.20694°O / -34.01167; 151.20694Koördinate: 34°00′42″S 151°12′25″O / 34.01167°S 151.20694°O / -34.01167; 151.20694
LandVlag van Australië Australië
Deelstaat Nieu-Suid-Wallis
StadSydney
Bevolking
 • Totaal2 213
TydsoneUTC+10:00 (AEST)
Poskode
2231

Kurnell is 'n woonbuurt in die suide van Sydney, Australië. Kurnell is sowat 22 kilometers suid van Sydney se sakekern geleë in die plaaslike regeringsgebied van die Sutherland Shire.

Ligging[wysig | wysig bron]

Die Kurnell-skiereiland is die suidelike landmassa van Botanybaai. Cronulla en Woolooware is aangrensende woonbuurte.

Die oostekant van die skiereiland is deel van Botany Bay Nasionale Park en bevat kenmerkende sandsteen rotshange langs die kus. Silver Beach is 'n strandgebied in die woonbuurt met 'n mooi uitsig oor die Sydney sentrale sakegebied oor Botany Bay. Aan die westekant van die woonbuurt is Towra Point Natuurreservaat.

Geskiedenis[wysig | wysig bron]

Die Sir Joseph Banks Gedenksteen
Die Kaptein Cook monument te Kurnell op die plek waar James Cook vir die eerste keer aan wal gegaan het.

Daar bestaan twee teorieë oor die oorsprong van die naam Kurnell. Dit is of afkomstig van die Australiese inboorlinge of dit is moontlik 'n verbuiging van 'n vroeë setlaar genaamd John Connel se naam.

Die oorspronklike inwoners van die skiereiland was 'n Australiese inboorlingstam wat bekend gestaan het as die Gweagal. Kurnell word beskou as die geboorteplek van moderne Australië aangesien dit die plek is waar Kaptein James Cook die eerste keer aan wal gegaan het op 29 April 1770 toe hy met sy skip, Endeavour daar aangedoen het.[1] Die landingsplek is aan die noordoostelike deel van die nasionale prak geleë. Sutherland Point is vernoem na 'n skotse bemanningslid, Forby Suterland, wat weens tuberkulose omgekom het tydens hulle agt dae lange verblyf hier en hy is ook daar begrawe. Cape Solander is vernoem na 'n sweedse botanikus, Daniel Solander, 'n kollega van Joseph Banks. Inscription Point het sy naam gekry toe die Australiese Philosophical Society in 1822 'n gedenkplaat op die krans vasgemaak het om die geleentheid te herdenk toe die Endeavour se bemanning hier aan wal gegaan het.

Dampier Street, Tasman Street en Torres Street herdenk ook ander ontekkingsreisigers uit Australië se geskiedenis.

Die eerste grondtoekenning is in 1815 gedoen toe daar aan Kaptein James Birnie 700 akkers toegestaan is, wat 'n plaas genaamd Alpha Farm daar gevestig het. In 1821 is grond aan John Connel Junior toegestaan. Sy pa het James Birnie se plaas by hom gekoop in 1842. It 1860 is die plaas aan Thomas Holt verkoop wat die meeste grond besit het vanaf Sutherland tot by Cronulla. Die gebied het vir 'n tyd lank as Birniemere bekend gestaan.

Voor die 1920's is Kurnell gereeld deur vissermanne gebruik wat vis gevang het in Botany Bay. Vissermanne het verskeie hutte daar opgerig waar hulle tydens naweke oornag het. Tydens die Groot Depressie in die laat 1920's het baie lae-inkomste gesinne hul daar gevestig en is het die gebied as Happy Valley bekend gestaan.[2]

Plekke van belang[wysig | wysig bron]

Die noordelike deel van die skiereiland bevat 'n geskiedkundige deel waar Kaptein Cook aan wal gegaan het en verskeie monumente is hier geleë naamlik:

  • Die Captain Cook Obelisk
  • Die Sir Joseph Banks Gedenksteen
  • Die Solander Monument
  • Die Sutherland Monument

Kaap Solander is baie gewild vir walvisbesigtiging tydens die migrasie seisoen.

Handels- en nywerheidsgebiede[wysig | wysig bron]

Die klein woonbuurt het 'n bevolking van slegs sowat 2600[3] en is geleë aan die noordekant van die skiereiland met 'n klein groepie winkels. 'n Prominente kenmerk van Kurnell is sy nywerheidsgebied wat die Caltex olieraffinadery insluit. Verwerkte ru-olie produkte word na 'n terminaal aan die anderkant van Botany Bay deur ondersese pyplyne gepomp. Die Kurnell ontsoutingsaanleg, wat tans in aanbou is, sal met voltooiing 'n groot deel van suidelike Sydney van water voorsien. Die projek wat sterk gekritiseer was op omgewingsgronde (verwekking van kweekhuisgasse en die uitlaat van groot hoeveelhede suurstofarme soutwater terug in die see in) is vir 'n tyd lank gestaak maar is in Maart 2007 weer van stapel gestuur na die staatsverkiesing in Nieu-Suid-Wallis.

Die ontginning van sand op die skiereiland het baie van die indrukwekkende sandduine uitgeput wat aanvanklik daar geleë was. Die oorblywende Cronulla sandduine kan in verskeie films gesien word waarvan Mad Max Beyond Thunderdome 'n bekende een is. Die ou sandhope is vervang met 'n vullisterrein. Daar is ook 'n rioolaanleg op die toegangspad na die skiereiland.[4]

Sport en ontspanning[wysig | wysig bron]

Driekampe word jaarliks in Kurnell aangebied. Daar is verskeie paadjies deur Botany Bay National Park waardeur mense kan draf asook langs die strand en daar word geswem in die deel van Silver Beach wat met nette toegespan is. Boat Harbour is 'n gewilde vierwielaangedrewe voertuigpark. Toegang word verkry vanaf Captain Cook Drive. Mense word hier toegelaat om met hulle vierwielaangedrewe voertuie op die strand te ry.

Verwysings[wysig | wysig bron]

  1. http://www.kurnell.com/home.htm Kurnell
  2. http://www.ssec.org.au/our_environment/our_bioregion/kurnell/history/index.htm Geargiveer 22 Mei 2009 op Wayback Machine Kurnell, a pictorial history
  3. ssec.org.au - 30/06/07
  4. "Kurnell Sand Dunes - 18/09/2003 - QWN - NSW Parliament". Geargiveer vanaf die oorspronklike op 28 September 2005. Besoek op 15 Maart 2009.

Eksterne skakels[wysig | wysig bron]