Kurt Darren
Kurt Darren | |
|---|---|
| Geboortenaam | Kurt Johan van Heerden |
| Gebore | 19 Februarie 1970 Pretoria |
| Genres | Pop |
| Beroep(e) | Sanger, liedjieskrywer, TV-aanbieder |
| Jare aktief | 1995 - nou |
| Etikette | SELECT |
| Webwerf | kurtdarren.co.za |
Kurt Darren, gebore Kurt Johan van Heerden [1], is 'n bekende Afrikaanse sanger, liedjieskrywer en TV-aanbieder. Darren se debuutalbum, For Your Precious Love, is in 1995 vrygestel. In 2002 maak hy sy deurbraak in die Afrikaanse musiekbedryf in 2002 met sy album Meisie Meisie.
Darren se musiek kan ook in Nederland en Vlaams België gehoor word, maar word meestal deur ander kunstenaars gesing. Sy liedjies "Staan Op", "Meisie Meisie", "Kaptein Span die Seile" en "Af en af" en "Bloubergstrand se sonsak" (Nederlandse Vinzzent, Dromendans 2012) is voorbeelde hiervan.
In 2010 ontvang Darren twee SAMA-toekennings vir beste verkopers in die afdelings "true tone"-aflaaideuntjie vir Kaptein en vollengte-aflaaideuntjie vir Af en Af.[2].
Hy was vanaf 2006 tot 2011 die aanbieder van die gewilde TV-program Jukebox wat op kykNET en verskeie radiostasies gebeeldsend word.
Biografie
Darren is in Pretoria gebore en matrikuleer aan die Hoërskool Lyttelton Manor. Sy pa was Afrikaanssprekend en sy ma Engelssprekend. Kurt het al van jongs af in musiek belanggestel en het op skool aan verskeie musiekblyspele deelgeneem.
Na matriek is Kurt weermag toe om sy basiese opleiding in Walvisbaai te doen. As lid van die weermag se vermaaklikheidsgroep toer hy vir 'n jaar saam met hulle boereorkes deur die land. Daarna werk hy as 'n wildbewaarder in die Krugerwildtuin en tree as 'n toergids op. Hy werk ook in die boubedryf voordat hy besluit om voltyds te begin sing.
Darren is op 8 Januarie 2011 met Dunay Nortjé in die eg verbind.[3]
Albums
- For Your Precious Love (1995)
- Kurt Darren (1997)
- Just When I Needed You Most (1998)
- Since I Found You (1999)
- Net Jy Alleen (2001)
- Meisie Meisie (2002)
- Sê Net Ja (2004)
- Staan Op (2004)
- Vat My, Maak My Joune (2005)
- Lekker Lekker (2006)
- Voorwaarts Mars (2007)
- Uit Die Diepte Van My Hart (2008)
- Smiling Back At Me (2009)
- Die Beste Medisyne (2009)
- So 'n Bek Kort Jam (2009)
- Met Liefde .. With Love, 20 Akoestiese liefdesliedjies, 2010 SELECT
- Oos Wes Tuis Bes, 2010 SELECT[4]
- Kaptein Se Platinum Treffers, 2011
- In Jou Oë, 2012
Filmografie
- Ek lief jou, 2011 (hoofrol as Dirk de Jong)
- Susanna van Biljon, 2010
- Liefling, 2010
Verwysings
- ↑ Kurt en Dunay trou spoggerig, Die Burger, 9 Januarie 2010, besoek op 10 Januarie 2011.
- ↑ Afrikaanse kunstenaars tops by Samas, Nuus24, besoek op 18 Maart 2010.
- ↑ Kurt span die seile met sy loslappie, Nuus24, besoek op 8 Januarie 2011.
- ↑ vetseun.co.za, besoek op 7 Maart 2010.