Lamborghini

in Wikipedia, die vrye ensiklopedie
Spring na: navigasie, soek
Automobili Lamborghini SpA
Tipe Privaatmaatskappy
Gestig Sant'Agata Bolognese, Italië
(30 Oktober 1963)
as Automobili Ferruccio Lamborghini S.p.A.
Hoofkantoor Sant'Agata Bolognese,Italië
Sleutelpersone Stephan Winkelmann, president
Filippo Perini, direkteur
Centro Stile
Gebied bedien Wêreldwyd
Industrie Motor-vervaardiging, Motor-verspreiding
Produkte Sportmotors, enjins
Inkomste Green Arrow Up Darker.svg €469 miljoen (2012)
€322 miljoen (2011)
Bedryfsinkomste Green Arrow Up Darker.svg -€24 miljoen (2011)
-€57,184 miljoen (2010)
Netto inkomste Green Arrow Up Darker.svg €837 miljoen (2011)
€933,213 miljoen (2010)
Werknemers Green Arrow Up Darker.svg 831 (2011)
803 (2010)
Moedermaatskappy Audi
Dogtermaatskappye Ducati Motor Holding S.p.A.
Italdesign Giugiaro S.p.A.
MML S.p.A.
ITALIA S.P.A.
Webwerf lamborghini.com

Automobili Lamborghini SpA is 'n Italiaanse merk en vervaardiger van luukse sportmotors, en voorheen sportnutsvoertuie, wat besit word deur die Volkswagengroep deur middel van sy Audifiliaal. Lamborghini se produksiefasiliteit en hoofkantoor is in Sant'Agata Bolognese, Italië geleë. In 2011 het Lamborghini se 831 werknemers 1711 voertuie geproduseer.

Ferruccio Lamborghini, 'n Italiaanse produksiemagnaat, het Automobili Ferruccio Lamborghini SpA in 1963 gestig om te kompeteer met gevestigde merke, insluitend Ferrari. Die maatskappy het in 1966 wye lof ontvang vir sy Miura sportkoepee, wat agterste mid-enjin en agterwielaandrywing as die standaarduitleg vir hoë-prestasie motors van die era gevestig het.

Lamborghini het vinnig gegroei gedurende die eerste dekade, maar hul verkope tuimel in die nasleep van die 1973 wêreldwye finansiële afswaai en die oliekrisis. Die firma se eienaarskap het drie keer verander na 1973, insluitend 'n bankrotskap in 1978. Die Amerikaanse Chrysler Corporation het die beheer van Lamborghini in 1987 bekom, maar verkoop dit daarna aan die Maleisiese beleggingsgroep MyCom Setdco en Indonesiese groep V'Power Corporation in 1994. In 1998 word Lamborghini verkoop aan die Volkswagengroep waar dit onder beheer van die groep se Audi-afdeling geplaas is.

Nuwe produkte en modellyne is bekendgestel in die handelsmerk se portefeulje en veroorsaak verhoogde produktiwiteit vir die Lamborghini-merk. In die laat 2000's, tydens die wêreldwye finansiële krisis en die gevolglike ekonomiese krisis, ondervind Lamborghini se verkope 'n daling van byna 50 persent.

Lamborghini produseer sportmotors en V12-enjins vir oorsese motorbootresies. Lamborghini produseer tans die V12-aangedrewe Aventador en die V10-aangedrewe Huracán.