Laurentides

in Wikipedia, die vrye ensiklopedie
Jump to navigation Jump to search
Die Laurentides, soos gesien vanaf die bergpiek Acropole des Draveurs in die Parc des Hautes-Gorges (Charlevoix)
Die vakansieoord Mont-Tremblant
Mont-Tremblant met skihyser

Die Laurentides (Engels: Laurentians) is 'n gebergte in die suide van die provinsie Quebec, Kanada, wat oor 'n gebied van sowat 80 000 km² strek. Die hoogste van die granietpieke verrys sowat 960 meter bo seevlak. Die bergreeks het duisende mere en is die brongebied van die Gatineau-, L'Assomption-, Lièvre-, Montmorency- en Saint-Mauriceriviere.

Die vestiging van setlaars in hierdie gebied het in die 19de eeu begin danksy die pogings van die destydse "Koning van die Noorde", Antoine Labelle, 'n geestelike van Saint-Jérôme.

Vandag is daar sowat 350 000 inwoners in die gebied. Ná die Tweede Wêreldoorlog het talle ruskampe en vakansieoorde in die gebied ontstaan. Tans is die Laurentides die gebied met die hoogste "vakansieoorddigtheid" in Noord-Amerika en dwarsdeur die jaar 'n gewilde toeristebestemming.

Besienswaardighede[wysig | wysig bron]

Église de l'Annonciation d'Oka

Die belangrikste besienswaardighede is die abdy van Oka, die satelliet-stasie Teleglobe Canada, die Lac des Sables naby Sainte-Agathe-des-Monts met sy mooie strand en 'n miniatuur-weergawe van die beroemde train du nord. Vir die kleingoed is daar talle vermaaklikheidsparke en die Village du Père Noël (die dorpie van Vader Kersfees) in Val-David. Honderde kroeë, koffiekroeë, nagklubs, diskoteke, restourante en winkels is deel van die infrastruktuur.

Eksterne skakels[wysig | wysig bron]

Toerisme