Lieb Bester

in Wikipedia, die vrye ensiklopedie
Jump to navigation Jump to search
Lieb Bester
Geboorte 15 April 1949
Brakpan
Nasionaliteit Suid-Afrika
Beroep(e) Akteur
Internet-rolprentdatabasis-profiel

Lieb Bester is 'n Suid-Afrikaanse akteur en musikant. Hy is veral bekend vir sy rol as Fritz Retief in kykNET se sepie, Villa Rosa. Vir dié rol het hy in 2012 en 2013 ’n ATKV-Mediaveertjie ontvang vir beste akteur in ’n sepie.[1] Bester is ook bekend vir sy rol as senior superintendent George Lindeque in die TV-riller, Arsenaal, wat oorspronklik op SAUK2 uitgesaai is.

Bester is op 15 April 1949 in Brakpan gebore en het in 1967 aan die Hoër Seunskool Stoffberg gematrikuleer. Ná skool doen hy sy nege maande verpligte militêre diensplig in Walvisbaai. Hy maak in 1969 sy debuut as akteur in die toneelspel, Die Ryk Weduwee van Uys Krige. Sy eerste rolprent was die Seun van die Wildtemmer in 1973.

Bester bespeel verskeie musiekinstrumente, waaronder die klavier, orrel, klawerbord, trekklavier, konsertina en kitaar. Hy is deel van die dansgroep "Take 3".[2][3]

Hy was ook lid van die Suid-Afrikaanse Weermag en tree gedurende 2001 uit die diens met die rang van kolonel.

Hy behaal die volgende opvoedkundige kwalifikasies: BA (Kommunikasiekunde/Opvoedkunde) (UNISA), DTO Nagraads (UNISA) en M Ed (UP).

Filmografie[wysig | wysig bron]

Rolprente:

TV-optredes:

  • Villa Rosa as Fritz Retief (kykNET)
  • Sterk Skemer as Balt Otto
  • Ietermagô (TV-reeks), 2002 as Bulla Sonnekus
  • Justice for All (TV-reeks), 1998 as Dries Alberts
  • Soldier Soldier (TV-reeks), 1995 as Luitenant-kolonel Danie Reitz
  • Paradys (TV-reeks), 1994
  • Arsenaal, as senior superintendent George Lindeque (SAUK2)
  • Opdrag
  • TJ 7
  • Phoenix en Kie
  • Dis Koud Hier

Diskografie[wysig | wysig bron]

Sy albums:

  • "Tranquilla", 2011, self uitgegee
  • Met 'n Lieb In Jou Hart, 2009 Mamba-rekords
  • Ou Kraalliedjies, 2008 Mamba-rekords (saam met die akteur Harald Richter)
  • SKOFFEL tot DAGBREEK toe, FANTASIA (saam met Piet Wolmarans)

Verwysings[wysig | wysig bron]