Lumangwe-waterval

Die Lumangwe-waterval is die grootste waterval in die binneland van Zambië. Dit lyk baie op die Victoria-waterval.

Dit lê in die Kalungwishirivier, by 9° 31′ 30″ suid en 29° 22′ 0″ oos en 82km noordwes van die dorp Kawambwa in die Luapula-provinsie. In die reënseisoen (April-Mei) styg die stuifwater 100m die lug in. Die val het ‘n hoogte van 35m en is minstens 100m wyd.

Stroomaf van die Lumangwe-val is daar ‘n hele ry valle en stroomversnellings, naamlik die Kabwelume-waterval, die Chipempe-val, die Kundabwika-val en die Mumbulumaval. Daarna vloei die water van die Kalungwishirivier in die Mweru-meer.

Die plaaslike bevolking vertel dat die afstand van 5km tussen die Lumanwe- en die Kabwelume-waterval die tuiste is van die Gees van die Groot Slang met die naam Lumangwe.

Hierdie waterval is afgeleë en moeilik bereikbaar. Van die pad tussen Mporokoso en Kawambwa loop ‘n swak grondpad noordwes na die val.

Bibliografie

• https://luangwablondes.webs.com/waterfallsofzambia.htm
• luapulaprovince.gov.zm
• tripadvisor.co.za
• victoriafalls24.com
• world-of-waterfalls.com
• zambiatourism.com