Lux Verbi

in Wikipedia, die vrye ensiklopedie
Die geskiedkundige Ferguson Hall het onder meer Lux Verbi se kantore gehuisves, tot die filiaal terug Kaapstad toe verskuif is in 2010.

Lux Verbi is die markleier in die vervaardiging en verspreiding van Christelike media van gehalte in en vanuit Suid-Afrika.

Lux Verbi vervaardig en versprei 'n verskeidenheid Christelike produkte effektief en winsgewend. Die maatskappy bied produkte en dienste van hoë gehalte en streef daarna om 'n onbesproke Christelike sake-etiek te handhaaf.

Agtergrond[wysig | wysig bron]

Lux Verbi het ontstaan uit die oudste uitgewersmaatskappy in Suid-Afrika, NG Kerk-Uitgewers, wat in 1818 gestig is. Die Bybelgenootskap van Suid-Afrika, wat uit dieselfde moedermaatskappy ontstaan het, versprei steeds miljoene Bybels elke jaar, maar is nie aan Lux Verbi verwant nie.

Gedurende die 1980's en 1990's was Lux Verbi een van die voorste spesialis Christelike boek handelaars in Suid Afrika met takke reg oor die land. Die hoof kantoor was in 30 Waterkant straat in Kaapstad.

Lux Verbi en Bybel-Media se sake-eenhede het in 1999 saamgesmelt om 'n sterk nuwe maatskappy te vorm. Dit is Lux Verbi.BM genoem. Die nuwe maatskappy se hoofkantoor was op Wellington in die Boland. In April 2010 het Lux Verbi se kantore verskuif na die Naspers-gebou in Heerengracht 40, Kaapstad. In Julie 2011 het Lux Verbi en Bybel-Media se sake-eenhede weer twee afsonderlike entiteite geword. Lux Verbi is ingelyf by die NB-Groep wat bestaan uit Lux Verbi, NB-uitgewers en Van Schaik-uitgewers.

NB-Groep is deel van die grootste mediagroep in Afrika, wat onder meer televisie, tydskrifte, koerante, uitgewerye en verspreidingsloodse insluit en wat die toon aangee wat posbestellings en elektroniese media betref.

Eksterne skakels[wysig | wysig bron]