Ma'loula

in Wikipedia, die vrye ensiklopedie
Spring na: navigasie, soek
Ma'loula
מעלולא (Maʿlūlā)
Malloula 01.jpg
Ligging van Ma'loula op 'n kaart (Sirië)
Ma'loula
Ma'loula
Ligging in Sirië
Koördinate: 33°50′39″N 36°42′48″O
Land Vlag van Sirië Sirië
Goewernement Rif Dimashq
Distrik Al-Qutayfah
Hoogte 1 500 m (4 900 vt)
Bevolking (2004)
 - Dorp 2 762
Tydsone OET (UTC+2:00)
 - Somer (DST) OEST (UTC+3:00)
Poskode

Ma'loula, soms ook Maaloula of Maalula (Aramees: מעלולא, Maʿlūlā; Arabies: معلولا Maʿlūlā) is 'n dorp in die Siriese Rif Dimashq-goewernement. Die dorp is 56 km noordoos van die hoofstad Damaskus en meer as 1 500 m bo seevlak in 'n ruwe berggebied geleë.

Ma'loula, wat hoofsaaklik deur Christene bewoon word, het van oudsher 'n belangrike rol as godsdienstige sentrum en toevlugsoord gespeel. Maar dit staan veral bekend as een van drie nedersettings in Sirië waar 'n Wes-Aramese dialek as omgangstaal gebesig word. Aramees was die moedertaal van Jesus van Nasaret, maar was al omstreeks 1300 byna uitgestorwe.

Etimologie[wysig]

Die dorpsnaam is afgelei van die Aramese woord מעלא (maʿ'əlā, "ingang").

Bevolking[wysig]

Volgens die sensus van 2004 het Ma'loula 'n bevolking van 2 762 gehad. In 2013 is dit op sowat 5 000 beraam. Teen die middel van die 20ste eeu het nog sowat 15 000 mense in die bergdorp gewoon. Die meeste Ma'loulis, soos die bewoners plaaslik genoem word, het hulle lankal in stedelike nedersettings gevestig, soos byvoorbeeld in Bab Touma, die Christelike kwartier van Damaskus se historiese stadskern waar die meeste bakkerye deur Ma'loulis bedryf word. Die meeste van hulle spandeer hul vakansies in Ma'louli sodat die dorpsbevolking in die somermaande maklik tot 6 000 kan styg.

Vandag is die meeste bewoners aanhangers van die Christelike (veral Antiogiese Ortodokse en Melkitiese Griekse Katolieke) en Islamitiese geloof. As gevolg van die Siriese burgeroorlog dien Ma'loula as toevlugsoord vir Moslems uit Damaskus.

Taal[wysig]

Ma'loula is - naas twee nabygeleë dorpe, Bakh'a en Jubb Adin - een van drie plekke waar mense nog 'n Wes-Aramese dialek besig, al dien dit nie meer as skryftaal nie. Die dialek word mondeling van generasie tot generasie oorgelewer. Nogtans word daar pogings aangewend om 'n nuwe alfabet vir die dialek te ontwikkel waarby die skryfstelsels van verwante tale in die gebied as basis dien.

Die invloed van Siriese Arabies, waaraan inwoners onder meer deur die media blootgestel word, en verstedeliking bedreig die plaaslike dialek. Dorpsbewoners, wat huzlle in Damaskus vestig, laat hul moedertaal dikwels ten gunste van Arabies vaar. In 2003 is 'n taalskool in die dorp gestig om die Aramese taal van Ma'loula te bewaar.

Eksterne skakels[wysig]